20″ June “2022”AP
Addis Ababa — In ka badan 200 oo qof oo rayid ah ayaa lagu soo warramayaa inay ku dhinteen dagaalka ka socda Galbeedka Wollega ee dawlad deegaanka Oromada,
Hay’adda Xuquuqul Insaanka ee Itoobiya (EHRC) ayaa sheegtay inay la xiriirto犀利士 isku dhacyo dhexmaray ciidamada ammaanka ee dowladda iyo Ciidanka Xoreynta Oromada (OLA), “OLF/
Dilka Sabtidii 18-ka June ka dhacay Tole Kebele, oo ka tirsan degmada Gimbi ee galbeedka Wollega ayaa ah kii ugu dhimashada badnaa bilihii la soo dhaafay. Abdul-Seid Tahir, oo ka mid ah dadka deegaanka oo ka soo baxsaday rabshadaha ayaa u sheegay wakaaladda wararka ee AP in ay tiriyeen 230 meyd ah, waxaan ka baqayaa in kani uu yahay weerarkii ugu khasaaraha badnaa ee loo geysto dadka rayidka ah ee aan aragno inta aan nool nahay. “
Waxaan ku aaseynaa xabaalo wadareedyo, welina meydadka ayaan wadnaa, waxaa hadda yimid cutubyo ka tirsan ciidamada dowladda Federaalka, laakiin waxaan ka baqeynaa in weeraradu ay sii socdaan haddii ay baxaan,” ayuu yiri Cabdul-Seid.
Shambel oo magaciisa koowaad lagu soo koobay cabsi laga qabo ammaankiisa ayaa AP u sheegay in dadka la bartilmaameedsaday ay ahaayeen “jaaliyad deegaanka Axmaarada ah” oo deegaankaas degtay qiyaastii 30 sano ka hor, wuxuuna sheegay in loo laayo sida digaagga.
Si kastaba ha ahaatee, Odaa Tarbii, Afhayeenka Caalamiga ah ee OLA, ayaa boggiisa Twitter-ka la xaqiijiyay ku sheegay in “dilkii iyo burburkii hantiyeed ee ka dhacay Tole, oo ka tirsan degmada Gimbi ay ka dambeeyaan malayshiyaadka “Gaachana Sirna” ee uu abuuray ismaamulka Oromada.
Baadhitaano bilo ah oo ay samaysay Addis Standard oo la daabacay bishii February ee sanadkan ayaa daaha ka qaaday dhibaatada boqolaalka qof ee shacabka Axmaarada ah ee ka soo jeeda qaybaha kala duwan ee aagga Wollega, kuwaas oo ka soo cararay weeraro joogto ah oo magangalyo u soo galay Addis Ababa; Warbixintu waxay sidoo kale ogaatay in boqolaal kale laga dhigay inay u guuraan gobolka Arsi ee gobolka Oromia.
Aagga Galbeedka Wollega ee gobolka Oromia ayaa ku yaal xadka gobolka Gembella, halkaas oo dagaal culus oo ay ku lug lahaayeen ciidamada ammaanka gobolka iyo xoogaga fallaagada ee Jabhadda Xoreynta Gambella (GLF) iyo OLA Khamiistii 16-kii June sababay dhimashada tobaneeyo qof. shacabka iyo ciidamada amaanka. https://addisstandard.com/