19- July-2023
Bannaanbaxayaal Kenyan ah ayaa isku dhacay booliiska iyadoo mudaaharaad 3 maalmood ah uu billowday
Ku dhawaad 100 qof oo mudaaharaadayaal ah ayaa saaka oo Arbaca ah dhagxaan ku weeraray booliiska xaafadda Kibera ee magaalada Nairobi, iyadoo ay dalka Kenya ka bilowdeen dibadbaxyo saddex maalmood ah oo looga soo horjeedo qiimaha maciishada iyo canshuur kordhinta.
Dibad-baxayaashu waxay taayiro ku gubeen Kibera, waxayna booliisku la kulmeen sunta dadka ka ilmaysiisa
Kibera, oo ah goob uu ku xoog badan yahay hogaamiyihii mucaaradka ee ruug cadaa Raila Odinga oo bulshada u matalay baarlamaanka 1993-2003, ayaa inta badan ahayd bartii ay isku dhaceen ciidamada ammaanka.
Laakin weriyaha Aljazeera Catherine Soi, oo ka soo warrameysa Nairobi, ayaa sheegtay in xaaladdu ay si weyn u deggan tahay meelo kale oo caasimadda ah. Maamulka ayaa ku dhawaaqay in iskuulada la xiri doono Arbacada bartamaha magaaladana ay aheyd meel cidlo ah iyadoo meherado badan la xiray, dukaamadana la xiray.
Waxay sheegtay in ciidamada dowladda la geeyay “goobaha kulul ee sida caadiga ah ay mudaaharaadyadu ka dhacaan” gudaha caasimadda. “Laakiin hadda, waxay aad ugu muuqataa in dadku ay ka fog yihiin,” ayay raacisay. “[Waxay] go’aansadeen inay guriga joogaan oo ay sugaan xaaladda.”
“Waxaa jira ciidamo ammaan oo aad u badan, ma ahan Nairobi oo kaliya laakiin sidoo kale meelo kala duwan oo dalka ah. Booliisku waxay isticmaalayaan sunta dadka ka ilmeysiisa, waxaan sidoo kale ku aragnay mudaaharaadyadii hore in booliisku ay u adeegsadeen awood aad u weyn si ay wax uga qabtaan dibadbaxayaasha,” Soi ayaa ku daray.
Somaalida ku nool Nairobi ee caasimada dalka Kenya ayaa ka walaacsan mudaaharaadyo maanta oo Arbaca ah la filayo inay ka dhacaan dalka kenya, xilli mudaaharadyadii todobaadkii hore ka dhacay Nairobi ay qaar ka mid ah dadkii ka qaybgalay dhac u geysteen goobo ganacsi oo ku yaalo xaafadda soomaalidu ay ku badan tahay ee islii