28- July-2023
Madaxweynaha Ruushka Vladimir Putin ayaa jimcihii u sheegay hogaamiyayaasha labada maalmood ee shirmadaxeedka Ruushka iyo Afrika in Moscow ay ixtiraamayso hindisahooda nabadeed ee Ukraine oo ay si taxadar leh u darsi doonto Jimcaha.
Putin ayaa ku celiyay in Ruushka uu diyaar u yahay wada xaajood uu la galo Ukraine, balse Kyiv ayaa diiday inuu ku biiro.
Hoggaamiyaha Ruushka ayaa ka jawaabayay hadallo ka soo yeeray guddoomiyaha guddiga Midowga Afrika Moussa Faki Mahamat, oo sheegay in Midowga Afrika uu qiimo weyn u leeyahay daacadnimada iyo madax-bannaanida dowladaha iyo in si nabad ah lagu xalliyo dhibaatooyinka iyadoo loo marayo tanaasul.
Kyiv ayaa marar badan sheegtay in aysan wax wada xaajood ah la geli doonin Ruushka halka Moscow ay haysato shan meelood meel dhulkeeda.
Laakiin Ruushku wuxuu ku celceliyay in wadahadal kastaa uu ku xisaabtamo “xaqiiqda cusub”.
Shir madaxeedka Ruushka iyo Afrika: Hogaamiyayaasha Afrika ayaa Putin cadaadis ku saaray in heshiis nabadeed laga gaaro Ukraine
Hogaamiyayaasha Afrika ayaa ku cadaadiyay Putin inuu horay u sii wado qorshahooda nabadeed si loo soo afjaro dagaalka Ukraine oo loo cusboonaysiiyo heshiiska hadhuudhka.
Inkasta oo madaxdu aanay si toos ah u dhaleecayn Ruushka, hadalladoodii maalintii labaad ee shirwaynaha ayaa tilmaamaya inay xasuusinayaan cawaaqibka colaadda, gaar ahaan qiimaha cuntada.
“Hal-abuurka Afrika (nabada) wuxuu mudan yahay dareenka ugu dhow, waa inaan la dhayalsan karin,” Madaxweynaha Jamhuuriyadda Congo Denis Sassou Nguesso ayaa u sheegay Putin iyo hoggaamiyeyaasha Afrika ee St Petersburg.
“Waxaan mar labaad si degdeg ah ugu baaqaynaa soo celinta nabadda Yurub,” ayuu ku yiri turjumaan.