26-Sept-2023
Qof socda oo Isku Qarxiyay dhalinyaro maqaayad fadhisa ayaa ku dilay 7 qof Muqdisho oo maalmahan aheyd magaalo nabdoon sida uu sheegay afhayeenka booliska oo warbaahinta la hadlay
Qaraxaas waxaa fuliyey nin naftiisa haligay oo is-miidaamiyey, wuxuuna ka dhacay maqaayad u dhow Baar-bulsho oo ku taalla isgoyska Sayidka.
Maqaayadda uu beegsaday ninkaas waxaa la sheegay inay aheyd mid lagu qayilo oo bulsho badan ay ku sugneed.
Dad badan ayaa laga soo sheegayaa halkaas ay waxyeelo kasoo gaartay, in kastoo aan weli la helin faahfaahin rasmi ah.
Goobta uu qaraxaasi ka dhacay ayaa aad ugu dhow madaxtooyada Soomaaliya, dad goobjoogayaal ah ayaa Caasimada Online u sheegay in dhimasho iyo dhaawacyo badan ay ka dhasheen qaraxaas.
Askar ka tirsan ciidmaada dowladda ayaa la sheegay in maqaayadaas ay ku sugneed markii uu qaraxaasi ka dhacay.