23- November-2023
Daadad xooggan ayaa dilay ugu yaraan 50 qof halka ku dhawaad 700,000 ay ka kaxeysteen guryahoodii, sarkaal ka tirsan dowladda ayaa sheegay, iyadoo roobab kale oo xooggan la filayo in ay uga sii daraan xaaladda Soomaaliya, sida ay sheegtay AFP.
Gobolka Geeska Afrika ayaa xilligan waxaa ka da’aya roobab xooggan iyo fatahaado loo aaneynayo cimilada El Niño, waxaana Soomaaliya si aad ah uga da’aya roobab xooggan oo burburiyay buundooyin iyo fatahaado ay dad ku noolaayeen.
Hay’adda Save the Children ee Ingiriiska ayaa sheegtay in in ka badan 100 qof, oo ay ku jiraan 16 carruur ah, ay naftooda ku waayeen, in ka badan 700,000 oo qofna ay ku qasbeen in ay ka qaxaan guryahoodii Kenya, Soomaaliya iyo Itoobiya ka dib markii ay daadad ku soo rogmadeen.
Geeska Afrika waxa uu u taagan yahay mid ka mid ah gobol壯陽藥 lada sida aadka ah ugu nugul saamaynta isbeddelka cimilada, iyada oo ay la kulmaan kor u kac ku yimaadda soo noqnoqda iyo xoojinta dhacdooyinka cimilo-xumada. Gobolka ayaa ka soo kabanaya abaartii ugu darneyd ee soo marta muddo afartan sano ah,kadib roobab badan oo aan lagu guuleysan oo malaayiin dad ah ay u baahdeen dhibaato baaxad leh oo soo gaartay dalagyadii iyo xoolaha.
Kooxaha bini’aadantinimada ayaa ka digaya in xaaladdu ay ka sii dari karto waxayna ku baaqeen in si deg deg ah caalamka wax looga qabto maadaama la filayo in El Nino uu sii socdo ilaa ugu yaraan April 2024 hay’aduhu waxay isku dayaan inay gaaraan dadka ay dhibaatadu saameysey.