16-March-2024
Hay’adda samafalka Hormuud Salaam Foundation ayaa maanta booqasho ku tagtay Xabsiga Dhexe ee Xamar, oo ay gaarsiisy 5 neef oo geel ah, cabitaanno, iyo dhar ay ku ciidsiineyso maxaabiista ku xiran Xabsiga Dhexe.
Hay’adda ayaa sidoo kale deeq lacageed gaarsiisay naafada Ciidanka Xoogga Dalka ee ku nool isbitaalka Martiini, kuwaas oo ku naafoobay dagaalkii 1977.
Dhanka kale, Hay’adda ayaa kaalmo lacageed EVC Plus ugu dirtay danyar ka badan 1,350 oo isugu jirta bukaanno, qaxooti, haween, iyo dad qaba baahiyaha gaarka ah.
Kaalmadaan ayaa qeyb ka ah Mashruuca Afurinta Bisha Ramadaan, oo ay Hay’addu sannadkii 12ᵃᵃᵈ ku taakuleyneyso dadkeenna danyarta ah.