22- March-2024
Madaxweynihii hore ee Soomaaliya Xildhibaan Shariif Sheikh Axmed ayaa si weyn loogu soo dhaweeyay magaalada Garowe. Madaxweynaha Puntland Saciid Deni iyo Mas’uuliyiin kale ayaa soo dhaweeyay.
Madaxweynayaashi hore oo Garowe ku sugan ayaa kulamo la yeelanaya Madaxweynaha Puntland Saciid Deni, iyagoo ka wada hadlaya arrimaha masiiriga ee dalka, gaar ahaan wax ka bedelka Dastuurka oo si weyn loo diidan yahay.
Madaxweynihii hore ee dalka Sheekh Shariif oo shalay shir jaraa’id ku qabtay magaalada Muqdisho ayaa sheegay in uu dalka ku socdo waddo khaldan, isaga oo baaq u diray Madaxweyne Xasan Sheekh Maxamuud, oo uu ku eedeeyay inuu wado wax ka daran wixii ay horey uga diideen Farmaajo.
