22- August-2023- News Agencies
18 qof oo muhaajiriin magangalyo doon ah ayaa meydkooda laga helay keymo ku yaal waqooyi bari ee dalka Giriiga oo uu dab ka kacayay, sida ay sheegtay waaxda dab damiska. Dheeho.com
Meydadka ayaa laga helay meel u dhow beerta qaranka ee Dadia, oo ah gobol xuduud la leh Turkiga oo ah marinka inta badan ay ka soo galaan muhaajiriinta iyo qaxootiga, afhayeen u hadlay waaxda dab-damiska Yiannis Artopios ayaa sidaa ku sheegay khudbad uu talaadadi ka jeediyay telefishinka dalkiisa iyadoo ay wali socoto baaritaanka lagu ogaanayo dalalka ay ka soo kala jeedaan Meydadka la helay
Xaalado kulul, qalalan iyo dabaylo wata ayaa lagu arkay daraasiin dab-damis ah oo ka kacay guud ahaan dalka Giriiga, iyadoo kii ugu darnaa uu galay maalintiisii afaraad oo uu ku duulay magaalada dekedda ah ee Alexandroupolis ee waqooyi bari.
“Waa xaalad la mid ah bishii Luulyo,” afhayeen u hadashay waaxda dab-damiska ayaa u sheegtay wakaaladda wararka ee AFP, iyada oo tixraacaysa mowjado dhowr ah oo dalka ka mid ah oo ay ku dhinteen shan qof.
Lix waddan ayaa gargaar u soo dirayay habka ilaalinta madaniga ah ee Midowga Yurub, waaxda dabdemiska ayaa tiri.
Ilaa 120 dab-damis ah oo ka socda Qubrus, Romania, Czech Republic, Croatia, Germany iyo Serbia ayaa soo degi doona, afhayeen u hadlay waaxda dab-damiska Vassilis Vathrakogiannis ayaa u sheegay TV-ga qaranka ERT
