17″ May”2023″ Burco
Muse Biixi ayaa booqday Askartii ku soo dhaawcantay dagaalka laaascaanood Iyadoo taliye ciidan oo Somaliland ah uu guul ka Sheegatay colaada gobolka Sool
Madaxweynaha Somaliland, Muuse Biixi Cabdi ayaa booqday u , ciidamadii ku soo dhaawacmay dagaalka magaaladaa laascaanood, maalin ka hor waqiga lagu in maamulkaasi u dabaaldego 30 ka hor markii ay ku dhawaaqeen inay ka go,een jahuuriyada fadaraalka Somalia
Taliye Ciidanka oo Sheegay In Somaliland ay Guul ka Gaaray Dagaalkii ka Dhacay Gobolka Sool
Taliyaha ciidanka Somaliland, Nuux Ismaaciil Taani, ayaa sheegay in Somaliland ay guul ka gaadhay dagaalo xoogan oo shalay galbeedka iyo bariga Laascaanood iyo deegaanka Dhabarsaar ku dhexmaray ciidamada Somaliland iyo kuwa Huwanta.
Nuux Ismaaciil Taani, Taliyaha Millateriga Somaliland oo ka warbixiyay dagaalka shalay, ayaa sheegay in ciidamo wata ilaa 70 tikniko ahi ay weerar kusoo qaadeen meel 25 killo mitir u jirta wadada laamiga ah ee Adhicaddeeye, iyo qaybo kamid ah fadhiisimada ciidanka ee Laascaanood.
Waxaanu yidhi.”Dagaalka ka socda magaalada Laascaanood ee xarunta gobolka Sool waxa dabada kariixaya niman argagixiso iyo qaswadayaal ah, maanta dagaalo ayaa ka dhacay magaalada Laascaanood iyo degaanka Dhabansaar, waxaaney 25-km ka xigta xagga Galbeed degaanka Adhicadeeye, ciidanka halkaasi soogalay oo 70 Tiknoko ah watay, waxa uu rabbay jidka in uu qabsado taakulayntana uu ciidanka ka jaro, ciidanka Qaranku isaga oo ku xisaabtamaya arrintaasi guluf ayuu kala hortagey, saaka lixdii subaxnimo ayaa halkaasi la isku helay, meel 6-km Dhabarsaar u jirta ayaa la isku helay, waala jabiyay, magaaladiina waxa gacanta ku haya ciidanka, iyagiina waxa ay u yaaceen tuulada la yidhaahdo Bali-hadhac, gurmadyo danbe oo ay dalbadeena wali ma soo gaadhin”
Waxa uu sheegay in khasaare leh dhimasho iyo dhaawacba uu dhacayo, balse ay guushu iyaga ciidanka Qaranka JSL raacday, dhinaca kale ciidamada ayaa soo bandhigay baabuur ay dagaalka ku qabsadeen.