30″ May”2023″ Boosaaso
Xiisad ayaa ka taagan magaalada Boosaaso ooy Ciidamo Gadoodsan la Wareegeen Koontoroolka laga galo Dekada magaaladaas ooy isku hor-fadhiyaan ilaalada Dekada iyadoo ay jirto cabsi laga qabo gacan ka hadal dhexmara labada ciidan
Wararka naga soo gaaraya Magaalada Boosaaso ee Xarunta Gobolka Bari ayaa waxaa ay sheegayaan in Maanta ciidamo katirsan kuwa Puntland oo ka gadoodsan mushaar la’aan ay la wareegeen afaafka hore baraha Control ee laga ilaaliyo Dekedda magaalada Boosaaso ee Xarunta Gobolka Bari.
Ciidamada oo wata Gaadiidka dagaalka iyo hubka noocyadiisa kala duwan ayaa saraakiisha hoggaamineysa ay sheegeen in muddo lix Bilood ah aysan qaadan wax mushaar ah, isla markaana Xukuumadda Puntland ay ka doonayaan xaquuqdooda
Wararka ayaa waxaa ay intaasi ku darayaan in Ciidamada gadoodka sameeyay oo ka tirsan kuwa Daraawiishta Puntland ay isku hor-fadhiyaan Koontoroolka laga galo Dekadda Boosaaso Ciidanka ilaaliya dekadda magaaladaas
Goobjoogayaal ayaa sheegaya in uu jiro cabsi laga qabo gacan ka hadal dhexmara labada ciidan .
Bilihii la soo dhaafay ayaa Ciidan badan oo katirsan kuwa Puntland ay sameeyeen gadood ay uga cabanayaan mushaar la’aan, waxaana qaarkood ay xirteen waddooyin muhiim ah oo kuyaalla degaannada Puntland wallow markii dambe la xaliyay