26- June-2023-AFP
Wasiirka arrimaha dibadda ee Ruushka Sergei Lavrov ayaa ka hadlay mustaqbalka dagaalyahanada Wagner ee ka howlgala Afrika.
Diirada dareenka ilaa iyo sabtidii iyo dhacdooyinkii buuqa badnaa ee ku lug lahaanshiyaha Wagner iyo hogaamiyaheeda Yevgeny Prigozhin ayaa si la fahmi karo u saarnaa Ruushka iyo Ukraine.
Laakiin kooxda calooshood u shaqeystayaasha ah ayaa joogitaan ku leh dalal badan oo Afrikaan ah – oo ay ku jiraan Jamhuuriyadda Afrikada Dhexe iyo Mali, halkaas oo lagu eedeeyay in ay geysteen gabood fallo iyo dembiyo dagaal.
Waxaa jiray su’aalo ku saabsan mustaqbalka ciidamada Afrikaanka ah ee la dirayo, kuwaas oo ay dad badani u arkeen inay yihiin kuwo aan si rasmi ah u matalin Ruushka.
Laakin isaga oo la hadlayay kanaalka ay dowladdu leedahay ee RT, Mr Lavrov waxa uu sheegay in howlgallada Wagner ay sii socon doonaan, sida ay ku warrantay wakaaladda wararka ee AFP.
Xubnaha Wagner “waxay halkaas uga shaqeynayaan macalimiin ahaan. Shaqadani, dabcan, way sii socon doontaa, “ayuu yiri wasiirku.
Waxa uu sheegay in fallaagada la tuuray aysan waxba ka beddeli doonin xiriirka Ruushka uu la leeyahay “ saaxiibada Africa ”, AFP ayaa ka soo xigatay isaga.