Xildhibaanada Golaha Shacabka ee Baarlamaanka Jamhuuriyadda Federaalka Soomaaliya oo kulan koodii caadi ahaa, ku ansixiyay hindise sharciyeedka xeerka shaqada Soomaaliya.
Hindisahan oo gacan tag ahaa ayaa waxaa oggolaatay 138-Xildhibaan, afar xildhibaan ayaa diidday halka uu ka aamusay hal xildhibaan.
Guddoomiyaha goalaha Shacabka ee Baarlamaanka Federaalka Soomaaliya mudane, Sheekh Aaden Maxamed Nuur (Madoobe) oo shir guddoominayay kulanka maanta ayaa ugu dambayn ku dhowaaqay inuu ansax yahay xeerka ay maanta meel mariyeen xildhibaannada Golaha Shacabka.