Wednesday, 13, October’2021,AFP
Dagaalka Tigreega ayaa barakiciyay laba milyan oo qof kumanaanna way ku dhinteenImage caption: Dagaalka Tigreega waxaa ku barakacay laba milyan oo qof kumanaan
Qaramada Midoobey (UN) ayaa dib ugu yeertay sarkaal sare oo labaad oo ka tirsan hawlgalladeeda Itoobiya kadib hadallo muran dhaliyay oo ku saabsan dagaalka woqooyiga dalka, tallaabadaas oo sii xumayn karta xiriirkii horeba u xumaa ee xukuumadda Addis Ababa.
Madaxa sanduuqa dadweynaha ee Qaramada Midoobey, Dennia Gayle, ayaa ah sarkaalkii labaad ee ugu sarreeyey ee dib loogu yeedho toddobaadkan.
Waxay raacdaa madaxa socdaalka ee hay’adda caalamiga ah, Maureen Achieng, oo la siiyay fasax maamul.
Waxay tahay kadib markii labada haween ay ka cawdeen tirooyin ka tirsan UN -ka oo ay sheegeen inay u janjeeraan xoogagga kacdoonka ka wada Tigray -ga cajalad maqal ah oo la sii daayay.
Xafiiska socdaalka ee Qaramad壯陽藥 a Midoobay ee Itoobiya ayaa BBC -da u sheegay in Ms Achieng “ay la wadaagtay fikrado shaqsiyeed oo aan ka turjumayn” qiyamkooda.
Wareysi lala yeeshay qoraa dowladda taageersan ayay labada haween ku eedeeyeen isku-duwayaasha xaaladaha deg-degga ah ee dhowaan ay UN-ku soo dirtay inay xafiiskooda ku xireen Itoobiya waxayna soo jeediyeen inuu jiro loolan xagga awoodda ah oo ka dhex jira hay’adda caalamiga ah.
Dowladda Itoobiya ayaa xiriir xun la leh hay’adaha gargaarka oo ay ka mid tahay QM oo ku eedeysay inay hor istaagtay gargaarkii la siin jiray Tigray.
Toddobaadkii hore, toddobo sarkaal oo Qaramada Midoobay ka tirsan ayay dowladdu ceyrisay kaddib markii ay sheegtay inay faragelin ku sameeyeen arrimaheeda gudaha.
Si kastaba ha ahaatee, xoghayaha guud ee Qaramada Midoobay Antònio Guterres ayaa iska fogeeyay eedeymaha isagoo sheegay inuusan arkin wax caddeyn ah.
