Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 252
Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 46
4- September-2023
Wararka aan ka heleyno deegaanka Daaru-nicma ee hoostaga degmada Ruun-Nirgood ee Gobolka Shabeelaha Dhexe ayaa sheegaya in Maanta deegaankaas uu ka socdo dagaal xooggan oo u dhexeeya ciidanka xoogga, kuwa macwiisleyda iyo Al-Shabaab.
Dagaalkan ayaa waxaa uu bilowday, ka gadaal markii dagaalyahano hubeysan oo kamid ah Al-Shabaab ay weerar dhowr jiho ah ay kusoo qaadeen deegaanka Daaru-nicma gaar ahaan Saldhig ay ku sugnaayeen ciidanka xoogga iyo kuwa macwiisleyda.
Hub culus ayaa la isku adeegsanayaa dagaalka u dhexeeyada labada dhinac, isla markaana waxaa lasoo werinayaa inuu ka dhashay khasaaro kala duwan oo dhimasho iyo dhaawac leh, inkastoo aan rasmi ah loo ogeyn inta uu la egyahay.
Wararka qaarkood ayaa sheegaya in la maqlayo jugta qaraxyo xooggan oo dhacaya, saraakiil ka tirsan ciidanka xoogga dalka ayaa laga soo xigtay inay iska caabin ku wadaan Shabaabka Maanta soo weeraray deegaanka Daaru-nicma ee Shabeellaha Dhexe.