Aqalka Cad oo si kulul u cambaareeyay qaraxyadii Zoobe 2

Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 252

Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 46

31″ October “2022 ” Reuters

Aqalka Cad ee Mareykanka ayaa cambaareeyey qaraxyadii Sabtidii ka dhacay agagaarka Zoobe ee magaalada Muqdisho kuwaas oo ay ku dhinteen dad ka badan 100 qof.

“Dowladda Mareykanka waxay si kulul u cambaareyneysaa weerarkii argagixisada ee ka dhacay magaalada Muqdisho oo ay ku dhinteen dad lagu qiyaasay 100 qof, ayna ku dhaawacmeen ku dhawaad 300 oo kale, waxay si gaar ah ay u cambaareyneysaa beegsiga foosha xun ee Wasaaradda Waxbarashada Soomaaliya iyo kooxaha gurmadka deg degga ah,” waxaa sidaas bayaan uu soo saaray ku yiri Jake Sullivan oo ah la-taliyaha amniga qaranka ee madaxweyne Joe Biden.

Sullivan ayaa sheegay inay tacsi u dirayaan shacabka Soomaaliyeed iyo dhammaan kuwii noloshooda ku waayey iyo kuwa ku dhaawacmay “weeraradaas argagaxa leh ee lala beegsaday shacab aan waxba galabsan.”

“Dowladda Mareykanka waxaa weli ka go’an inay dowladda federaalka Soomaaliya ka taageerto dagaalka ay uga hortageyso ficillada argagixiso ee naxariis darrada ah,” ayuu yiri Sullivan.

White House national security adviser Jake Sullivan said on Sunday that the U.S. "strongly condemns the terrorist attack" in Mogadishu, where car bombs exploded at Somalia's education ministry next to a busy market, killing at least 100 people pic.twitter.com/x934EJrkod

— Elmi Farah Boodhari (@BoodhariFarah) October 31, 2022

Howlgalka Qaramada Midoobay ee Soomaaliya ayaa cambaareeyay “weerarkii foosha xumaa” ee Sabtidii, ka dhacay Magaalada Muqdisho, waxaana uu tacsi u direen qoysaska dhibanayaasha.

Turkiga ayaa dhaleeceeyay weerarka “arxan-darrada ah”, halka Qatar –ay si adag u diidday rabshadaha “argagixisada – iyadoo muujisay sida ay uga xun tahay, fallkii ka dhacay Muqdisho una rajeysay kuwa dhaawaca ah inay si degdeg ah u bogsadaan.

Madaxweyne Xasan Shiiq Maxamuud oo taageero uga helay dowladiisa, Mareykanka iyo maleeshiyaad bilaabay kacdoon deegaan ayaa xoojiyay isbaheysiga duulaan ka dhan ah kooxda, shabaab

Inkasta oo dowladda Soomaaliya ay xaqiijisay dhimashada 104 qof iyo dhaawaca in ka badan 300, haddana waxaa weli jira dad la la’yahay, waxaana suurta-gal ah in khasaaraha intaas kasii bato.

Ra’iisul Wasaaraha Soomaaliya Xamza Cabdi Barre ayaa xalay wacad ku maray in loo aargudi doono dadkii ku dhintay iyo kuwa ku dhaawacmay qaraxyadaa