29″ May” 2021″ Saturday ” MUQDISHO
In ka badan 40-kun oo arday oo isugu jirta gabdho iyo wiilaal ayaa maanta u fariisatay Imtixaan sanadeedka fasalka 12-aad ee Dugsiga sare 2020/21.
Ardayda saaka u fariisaneysa imtixaankan ayaa ku kala sugan gobolka Banaadir, Jubbaland, Koonfur Galbeed, Hir-Shabeelle iyo Galmudug.
Imtixaanka ayaa socon doona muddo shan maalmood ah Ciidammo badan oo booliis ah ayaa la geeyay goobaha imtixaanka lagu qaadayo kuwaas oo aad u adkeeyey amaanka si gaar ah wadooyinka soo galayo goobaha Muqdisho saakay imtixaanka ardayda ku galayso
Wasaaradda waxbarashada dowladda federaalka ayaa sheegtay in tallaabooyin dheeraad ah la qaaday imtixaankuna yahay mid lagu kalsoonaan karo
Waa sanad dugsiyeedkii 7-aad oo si rasmi ah ay imtixaanka u qaadeyso wasaaradda waxbrashada hidaha iyo tacliinta sare ee xukumadda Soomaaliya, waxaana xusid mudan in ardayda wax ku barata deegaanada Puntland ay 7sano ka qeyb gelin imtixaanka ay qaadeysay dowladda dhexe.
Wasaaradda Waxbarashada, Hidaha iyo Tacliinta Sare Xukuumadda Soomaaliya ayaa Ardayda ku wargelisay in ay raacaan habraaca ay u qorsheysay in ay maraan si Ardaygu aanay buuq ula kulmin maalmaha Imtixaanka.
Todobaadkii tagay waxaa soo idlaaday Imtixaan sanadkeedka fasalka 8-aad Dugsiga Dhexe oo ay galeen in ka badan 26-kun oo Arday, sanadkaan waxaa mas’uuliyadda dusha saartay maamulka Gobolka Banaadir.
Tirada ugu badan waa wiilal oo waxay dhan yihiin 22,308, halka gabdhaha ay yihiin 13,835 arday oo u dhiganta 38% boolkiiba, tirada guud ee ardayda ah ee u fadhiisatay imtixaanka, sida uu sheegay agaasimaha guud ee wasaarada waxbarashada Soomaaliya, Maxamed Caabi Xasan.
Tirada ardayda u fadhiisatay imtixaanka sannadkan waxay sare u kacday illaa 3,000 oo arday oo dheeraad ah, marka la barbardhigo tiradii sannadkii hore.
2- Goobaha iyo ammaanka imtixaanka
Imtixaanka shahaadiga ah ee dugsiga sare waxaa lagu galayaa 121 xarun oo ku kala yaalla afar dowlad goboleed oo kala ah Koonfur Galbeed, Galmudug, Jubbaland, iyo Hirshabelle, iyo gobolka Banaadir. 77 xarun oo ka mid ah goobaha imtixaanka waxay ku yaalaan Muqdisho oo keli ah.
3- Gobollada iyo tirada ardayda gobol walba ku galaysa imtaxaanka
Tirada ugu badan ee ardayda imtixaanka u fadhiisatay waxay joogaan gobolka Banaadir. Waxay gaarayaan 26,502 arday.
Tirada labaad ee ugu badan waxay imtixaanka ku galayaan Koonfur Galbeed oo waxay gaarayaan 4,341 arday, halka ardayda imtixaanka ku galeysa Galmudug ay dhan yihiin 2,407 arday.
Hirshabelle waxaa imtixaanka u fadhiistay 1,672 arday, halka Jubaland ay imtixaanka ku galayaan 1,221 arday. Puntland qeyb ka ma ahan imtixaankan maadaama ay si gaar ah u maamulato waxbarashada iyo imtixaanka dugsiyada sare.
4- Muxuu imtixaankan kaga duwan yahay kuwii hore?
Waa sannadkii toddobaad oo ay wasaarada waxbarashada Soomaaliya maamuleyso imtixaanka shahaadiga ah ee dugsiyada sare, oo ka wada dhacaya afar maamul goboleed, iyo gobolka Banaadir.
Waxaa sannadkan ku cusub imtixaanka in uu yahay kii ugu horreeyay ee noociisa ah oo ardayda lagu imtixaanaya manhaj waxbarasho guud oo ay dejisay ayna maamuleyso wasaarada waxbarashada.
Imtixaankii ugu dambeeyay ee sannadkii hore, waxaa ku dhacday arday gaareysa 8,550.
Tirada ugu badneyd ee imtixaanka ku dhacday waxay ahaayeen ardayda magaalada Muqdisho, oo u dhigantay 90% boqolkiiba tirada guud ee ardayda ku dhacday imtixaanka Soomaaliya oo dhan.
