HINDUSTAN TIMES Qoraalka & Sawirkaba
Rishi Kapoor iyo Sridevi
Jilayaal isugu jira rag iyo dumar oo ka tirsanaa shirkadda filimada Hindiga ee Bollywood-ka ayaa geeriyooday iyagoo bartanka uga jira shaqada filimo ay soo wadeen ama aan wali lasii deynin filimadii ugu dambeeyay ee ay soo jileen.
Marka ay atooreyaasha ama atariishooyinka dhintaan, taageerayaashooda ayaa aad ula murugooda geeridooda.
Laakiin dhammaanteen waxaan mar walba xasuusnaannaa jilayaasha bandhigyada wanaagsan sameyn jiray, horayna aan uga heli jirnay habka ay noo madadaaliyaan.
Hase yeeshee mararka qaar waxaa dhacda in jilayaasha qaarkood aysan nasiib u yeelanin inay goob joog ka noqdaan natiijada ka soo baxeysa shaqadii ugu dambeysay ee ay qabteen.
Qormadan waxaan kusoo qaadaneynaa liiska jilayaashaii geeriyooday iyagoo aan daawanin ugu dmabeeyay.
Sushant Singh Rajput
Sushant Singh Rajput’s death was met with an outpouring of grief
Sushant Singh Rajput wuxuu geeriyooday 14-kii bishii June ee sannadkan 2020-ka. Jilaagan, oo ka mid ahaa atooreyaasha ugu caansan ee sannadihii dambe soo baxay, ayaa isdilay.
Soo saareyaasha filimkiisii ugu dambeeyay, ee lagu magacaaby Dil Bechara, ayaa go’aansaday inay kasoo soo daayaan shirkadda OTT.
Filimkan, oo si weyn loo sugayo ayaa 24-ka bishan July la shaacin doonaa, qof walbana waxaa xilligaas u suurtageleysa inuu daawado.
Balse Sushant dabcan nasiib uma uusan yeelanin inuu ku raaxeysto bandhiggiisii ugu dambeeyay.
Rishi Kapoor
Rishi Kapoor wuxuu geeriyooday 30-kii bishii April ee sanadkan. Dhimashadiisa waxay timid wax yar ka hor inta aan dunida badabkeed la galinin xayiraadda looga hortagayo cudurka safmarka ah ee Covid-19.
Jilaagan wuxuu xilliga uu dhimanayay jilayay filim lagu magacaabo Sharmaji Namkeen, kaasoo ay la sameyneysay atariishada caanka ah ee la yiraahdo Juhi Chawla.
Wax yar ayaa uga dhimanaa dhammeystirka duubitaanka, laakiin soo saareyaasha ayaa go’aansaday inay filimka gabagabeeyaan Rishi la’aantiis, ayna sii daayaan.
Waxay sidoo kale go’aansadeen inay filimkaas ka daaraan tiyaatarradooda, si ay atooraha rugcaddaaga ah ugu maamuusaan.
Juhi Chawla ayaa dabayaaqadii sanadkii lasoo dhaafay barteeda twittwrka soo dhigtay sawirro iyo qoraal ay ugu duceyneyso inuu filimkaas guuleysto.
Rishi Kapoor wuxuu shaleemooyinka filimada lagu daawado qabsaday sanadkii 1973-kii, markaasoo uu doorkiisii ugu horreeyay oo hoggaamin ah uu ka qaatay filim ka hadlayay qiso jacayl oo dhalinyaro dhex martay.
Laakiin markii ugu horreysay Rishi Kapoor wuxuu jilista filimada kasoo muuqday isagoo carruur ah sanadkii 1970-kii, wuxuuna ka qeyb qaatay filimkii uu aabihiis Raj Kapoor jilayay ee Mera Naam Joker.
Qaar ka mid ah filimadiisii sida weyn loo daawaday waxay soo baxeey 1980-meyadii iyo 1990-meeyadii – waxaana ka mid ahaa Khel Khel Mein, Karz iyo Chandni – oo aad u gadmay.
Kapoor wuxuu filim laga dabadhacay oo jacayl ahaa la sameeyay atariishada lagu magacaabo Neetu Singh. Lamaahanan ayaa jacaylkooda aan ku ekeynin jilitaan kaliya, waxayna is guursadeen sanadkii 1980-kii.
Wiilkooda Ranbir Kapoor, wuxuu hadda ka mid yahay jilayaasha ugu caansan shirkadda Bollywood-ka, taageerada weynna heysta.