Author: boodhari

Mareykanka ayaa Khamiistii sheegay inuu soo dhaweynayo heshiiska ay Soomaaliya iyo Itoobiya ku gaareen in lagu soo afjaro xiisadda gobolka ee ka dhalatay isku dayga ay Addis Ababa ku dooneyso inay marin u hesho badda. Labada dal ayaa khilaaf uu ka dhaxeeyey tan iyo markii dalka Itoobiya ee aan badda lahayn uu bishii Janaayo heshiis la galay maamulka Somaliland ee sheega in uu ka go’ay Soomaaliya, kaas oo ku saabsanaa in dhul xeebeed laga kireeyo Addis-Ababa oo ay ka sameysato deked iyo saldhig ciidan. Hase yeeshee Arbacadii, Turkiga, oo dhexdhexaadiye ka ahaa wada-hadallada Soomaaliya iyo Itoobiya, ayaa ku dhawaaqay in labada dhinac ay gaareen heshiis xaqiijinaya "marin la isku halleyn karo, ammaan ah oo waara oo ay Itoobiya u hesho badda," kaasi oo “hoos imanaya maamulka madax-banna...

 Safaaradda Ingiriiska ee Muqdisho ayaa soo saartey war qoraal ah oo ay ku cambaareysay dagaalkii shalay Ciidanka dowladda iyo kuwa Jubaland ku dhexmaray dagaalka Raaskambooni ee gobolka Jubada Hoose, oo ku tilmaantay mid laga fogaan karay. Ingiriiska ayaa sheegay inuu aad uga xunyahay inuu dagaalka dhacay xili ay jireen baaqdyo loo jeediyay labada dhinaca oo ku aadan qaboojinta xiisadda u dhaxaysa, kuwaasoo la iska indha-tiray. Dagaalka wuxuu saameyn ku yeeshay shacabka degaanka oo Isgaarsinta laga jaray, sidoo kalena la joojiyay dhaq-dhaqaaqyii ganacsiga. Warka ay Safaaradda soo saartay waxaa sidoo kale lagu xusay in dowladda Ingiriiska ka xuntahay khasaaraha ka dhashay dagaalka Raaskambooni, oo ay dhabarjab ku ah amniga dalka, islamarkaana uu fursad siinayo AS, maadaama labad...

Guddoomiyaha Gudiga Midowga Afrika Moussa Fakiayaa soo dhaweeyay heshiiska Ankara ay ku gaareen Xasan Sheekh Maxamuud, Madaxweynaha Jamhuuriyadda Federaalka Soomaaliya iyo Abiy Ahmed Ali, Ra’iisul Wasaaraha Itoobiya, kaas oo uu dhex-dhexaadiyay Recep Tayyip Erdoğan, Madaxweynaha Jamhuuriyadda Türkiye. Guddoomiyaha waxa uu sheegay in heshiiska uu yahay tallaabo muhiimka ah oo loo qaadey xiriirka Soomaaliya iyo Itoobiya. Wuxuu si adag ugu dhiirigeliyay hogaamiyaasha labada dal inay hirgeliyaan qodobada la isku raacey, iyada oo aan dib loo dhigin. Muse Faki ayaa sidoo kale ugu mahadceliyay Madaxweyne Tayyip Erdogan taageerada labada dhinac inay xaliyaan in khilaafkooda islamarkaana ay ku dhameeyeen wada hadal, iyadoo danta dalalkooda iyo shacabkooda ay diiradda saareen. Soomaaliy...

Ankara 12 December 2024: Wadahaladii u dhexeeyay Soomaaliya iyo Ethiopia ayaa lagu soo gabagabeeyay magaalada Ankara. War Murtiyeedka wadahadaladan waxaasoo koobaya Wasiirka Warfaafinta Xukuumadda Federaalka Soomaaliya Mudane Daud Aweis Jama.

Ankara 12 December 2024: Waxaa magaalada Ankara lagu soo gabagabeeyay shir uu garwadeen ka ahaa Madaxweynaha dalka Turkiga Recep Tayyip Erdogan una dhaxeeyey Madaxweynaha Jamhuuriyadda Federaalka Soomaaliya Mudane Xasan Sheekh Maxamuud Iyo Ra’iisul Wasaaraha Itoobiya Abiy Axmed. Kulankan oo saacado badan socday ayaa waxaa labada dhinac ay ku heshiiyeen iyadoo lagu saleynayo War Murtiyeedka wadajirka ee shirka ka soo baxay in dhammaan arrimahii la isku haystey sida heshiiskii khilaafka dhaliyay meesha laga saarey, ayna yihiin taariikh tagtey, labada dalna ay u bilaabaneyso bog cusub oo ku saleysan is qaddarin iyo dhowrista qarannimada, madaxbanaanida , midnimada iyo wadajirka dhuleed ee labada dal. War Murtiyeedka ayaa waxaa sidoo kale lagu xusay in heshiis kasta oo dhacaya ay khasab ...

Madaxweynaha Soomaaliya Xasan Sheekh Maxamuud iyo Madaxweynaha Turkiga Recep Tayyip Erdoğan ayaa hadda kulan xasaasi ah ku leh xarunta Madaxtooyada Turkiga ee magaalada Ankara. Kulankan ayaa horudhac u ah wada hadallo kale oo dhexmari doona Soomaaliya iyo Itoobiya oo uu garwadeen ka yahay Madaxweynaha Turkiga. Wafdiga uu hoggaaminayo Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo ka kooban Wasiiro, Taliyaha Nabad Sugidda iyo Sirdoonka Qaranka, iyo La-taliyayaal ayaa muujinaya sida ay dowladda Soomaaliya uga go’an tahay ilaalinta midnimada, Qaranimada, iyo wadajirka dhulka Soomaaliya.

Xaaladda deegaannada u dhaxeeya magaalooyinka Buurgaabo iyo Raaskaambooni ee gobolka Jubbada Hoose ayaa haatan deggan kaddib markii uu saaka dagaal ku dhex maray ciidamada dawladda iyo kuwa maamulka Jubaland. Warar is khilaafsana ayaana ka soo baxaya cidda dagaalka bilowday iyo khasaarraha uu dhaliyey. Dagaalka ayaa bilowday aroornimadii hore ee saakay, labada ciidan ayaa kala joogay labada magaalo ee la kala yiraahdo Buurgaabo iyo Raaskambooni oo labaduba ka tirsan gobolka Jubbada Hoose, kuwaas oo qiyaastii isku jira dhowr iyo lixdan kiilo mitir ha yeeshee dhinac walba dhaqdhaqaaq ayuu magaaladiisa ka sameynayey. Labada ciidan ayaa saakay isku farasaaray deegaan la yiraahdo Marnaaneey taas oo qiyaastii 30 KM u jirta magaalada Raaskambooni, taasoo ah halka ay joogaan ciidamadda dowla...

Hormuud Salaam Foundation ayaa ku guuleysatay billadda Taakuleynta Bulshada ee ee sanadka 2024 oo ay bixiso madasha Abaalmarinta Isgaarsiinta Adduunka oo ay soo agaasinto Hay’adda Total Telecom ee fadhigeedu yahay dalka Ingiriiska. Munaasabada abaalmarinta oo aheyd Xaflad xalay ka dhacday magaalada London ayay #HSF ku muteysannay dadaallada ballaaran ee hay’adda samafalka ay u heeyso bulshada Soomaaliyeed ee ku aadan taageeradeeda horumarinta waxbarashada, caafimaadka, gargaarka, iyo taakuleynta dadka danyarta ah. Abaalmarintan oo loogu tartamay shirkadda ugu wanaagsan ee kaalmeysa bulshadeeda ayay uga guuleysatay #Hormuud shirkaddaha GSM Systems ee Mareykanka, Telia ee Norway, SK Telecom ee Kuuriyada Koonfureed, Telecom Egypt ee Masar, Moldcell ee Moldova, PLDT and Smart ee Filibiin...