Author: boodhari

Dekedda wayn ee magaalada Muqdisho waxaa maanta soo gaaray markab sida shixnad gargaar ah, kaas oo ay soo dirtay dowladda Turkiga. Markabkan ayaa waxaa la wareegay dowladda federaalka, ayada oo ra’iisul wasaare ku xigeenka, guddoomiyaha SoDMA, safiirka Turkiga iyo mas’uuliyiin kale ay tageen dekedda. “Munaasbad kooban oo ka dhacday Dakedda weyn ee Muqdisho, ayaa maanta DFS waxa ay kula wareegtay Markab weyn oo sida shixnad gargaar ah oo dowladda Turkiga ugu talagashay shacabka Soomaaliyeed ee talabaalaysan” ayaa lagu yiri qoraal kasoo baxay SoDMA. Gargaarkaan ayaa ka kooban qeybaha kala duwan ee raashinka, Teendhooyin iyo waxyaabo kale oo aas-aasi u ah nolasha, kuwaas oo dhan 3,000 oo tan” ayaa la sii raaciyay warsaxaafadeedka kasoo baxay Hay’adda Maareynta Musiibooyinka Soomaaliy...

Dowladda Masar ayaa gaartay go’aan ay uga qeyb qaadaneyso dhismaha iyo hubaynta ciidamada xoogga Soomaaliya, waana go’aan walwal ku abuuray Itoobiya. Ilo wareedyo ayaa sheegaya in arrimaha Masar iyo Soomaaliya ay Itoobiya ku abuureen cabsi joogto ah oo ku timid kadib heshiiskii difaaca ee August. Masar ayaa wixii ka dambeeyey markii ay heshiiskaas la gashay Soomaaliya waxay toos u bilowday qorshayaal ay ka hortageyso saamaynta Itoobiya ee Geeska Afrika, iyadoo adeegsanaysa joogitaan ciidan oo khatar ku ah amniga Itoobiya. Xiisadaan ayaa qaraxday markii Itoobiya ay heshiis qar iska tuurnino ah la gashay Somaliland, bishii January 2024, dowladda federaalka Soomaaliya ayaa abaabuleysa xiisad diblomaasiyadeed iyo mid ciidan oo ka dhan ah Itoobiya. Dhanka Itoobiya walaac badan ayaa ...

👉 By/ Elmi Osman Farah Boodhari Dhurwaa la tag bartay ka dhig waa ku ceeba Raysilwasaaraha Itoobiya waxa ku margaday oo ka dagi la,a in uu garoowsado Xasan Farmaajo Ma,aha Soomaalida maantana tii shalay Ma,aha Safark gaaban oo Saacado yar qaatay oo uu Mqdisho ku yimid 16 June 2018_kii Abiy Axmed ayaa hogaankii Somalia ee waqtigaas Maxamed calaahi farmaajo Ogoleeysiiyay In uu ku dhawaaqo bixinta 4 dakadood oo Itoobiya la siiyay, isaga oo taas kaga badashay in Itoobiya ay albaabada ka soo xirato hogaamiyaasha Maamulgoboleedyada oo caadadoodu ahayd in ay barbar yaacaan dowladda dhexe Hadii uu soo laaban lahaa hogaankii u nuglaa Itoobiyanka ee damaca galiyay Abiy oo uu waayahaas ula baxay naaneeysta" ah "Big Brother" waxaan shaki ku jirin inay dhici laheyd mid ka xanuun badan tan Muus...

Ururka ardayda Soomaaliyeed ee Erzurum ee dalka Turkiga ayaa kulan soo dhaweyn ah u sameeyay 4 arday oo ka mid noqday in ka badan 60 arday oo sanadkaan deeq Waxbarasho ka helay dalka Turkiga. Guddoomiyaha Ururka ardayda Soomaaliyeed ee Erzurum mudane Cabdiraxman Maxamud Sheekh Cali oo warbixin kooban siiyay ardayda la soo dhaweeyay ayaa si qoto dheer ugu waramay sida ay kan arday ahaan isaga warqaban Dhankooda ardayda lagu soo dhaweeyay magaalada Erzurum ayaa ka mahadnaqay sida milgahal leh ee loo soo dhaweeyay. Ardayda Soomaaliyeed ee wax ka barta magalada Erzurum oo isugu jiro gabdho iyo wiilal ayaa barta culuumta kala duwan iyagoo wada heerka 1aad ee Bachelor degree, master degree iyo PhD.

Xulka kubadda cagta ee degmada Kaaraan ayaa galabta ku guuleystay koobka tartanka kubadda cagta ee degmooyinka Gobolka Banaadir iyo degmada Balcad, kadib markii ay ciyaarta kama dambaysta 2-0 kaga adkaadeen xulka degmada Gubadleey. Ciyaartan adag oo ka dhacday garoonka Eng Yariisow Stadium, ayaa waxaa goobjoog ka ahaa taageerayaal fara badan iyo mas’uuliyiin ka tirsan dowladda federaalka iyo maamulka gobolka Banaadir. Xulka Gubadleey oo difaac adag ku caan baxay sanadkan, ayaa u adkeysan waayay weerarka xooggan ee Kaaraan, oo sanadka si gaar ah u muujiyay awooddooda ciyaareed. Kulankan ayaa soo gebogeboobay iyadoo xulka Kaaraan uu si rasmi ah ugu dabaaldegayo hanashada koobka. https://twitter.com/BoodhariFarah/status/1847355534909067635?t=EyMALYlDH3Lvib5BdPpNTA&s=19

Ergeyga Qaramada Midoobay u qaabilsan Saxaraha Galbeed ayaa soo jeediyay in dhulkaas loo kala qeybiyo Morocco iyo jabhada Polisario ee madax-banaanida dooneysa si loo xaliyo colaadda soo jiitameysay tobanaan sano, wakaaladda wararka ee AFP ayaa sidaas ogaatay Khamiistii. "Waxaan si taxaddar leh dib ugu eegay oo aan u ballaariyay dhammaan dadka ay khusayso fikradda kala qeybinta dhulka," Staffan de Mistura ayaa sidaas yiri intii lagu jiray kalfadhi xiran oo Golaha Ammaanka ee Qaramada Midoobay uu yeeshay Arbacadii. Saxaraha Galbeed waxaa inta badan gacanta ku haysa Morocco, balse Jabhadda Polisario ee ay Algeria taageerto ayaa u ololaynasay madax-bannaanida dhulkaas tan iyo ka hor intii aanu gumaystaha Spain ka bixin sannadkii 1975-kii. Qaramada Midoobay waxay u aragtaa "dhul aan m...

Dowladaha Masar iyo Sacuudiga ayaa isku raacay in la taageero madax-banaanida dhuleed ee Soomaaliya, iyada oo Riyadh soo dhaweysay kamid noqoshada Masar ee howlgalka cusub ee Soomaaliya. Masar ayaa haatan qorsheynaysa inay qeyb ka noqoto ciidamda cusub ee Midowga Africa ee Soomaaliya imaan doona sannadka soo socda, iyadoo durba bilowday dhaq-dhaqaaqeeda Soomaaliya. Kulan ay magaalada Qaahira ku wada yeesheen madaxweynaha Masar, Cabdulfataax Al-Siisi iyo Dhaxal-sugaha Sacuudiga ahna ra’iisul wasaaraha dalkaas, Maxamed bin Salmaan ayay labada dal xoogga ku saareen sidii loo xoojin lahaa iskaashiga dhinaca amniga iyo nabadda ee gobolka, gaar ahaan Soomaaliya. Bayaan wadajir ah oo ay soo saareen labada ayaa waxaa lagu xaqiijiyay in Sacuudiga iyo Masar ay ka go’an tahay hirgelinta...

Waxaa maanta bariga gobolka Galgaduud dowlad-goboleedka Galmudug ka dhacay duqeyn xooggan oo ay fuliyeen diyaaradaha duuliyaha laheyn ah ee saaxiibada caalamiga ee Soomaaliya ka taageera dagaalka argagixisada. Xogaha hordhaca ah ee kasoo baxaya duqeyntan ayaa sheegaya in deegaanada ay duqeynta ka dhacday, ka socdeen howlgallo xooggan oo iska kaashanayaan ciidamada dowladda federaalka iyo kuwa deegaanka ee loo yaqaano Macawiileyda. Duqeyntan ayaa lala beegsaday xubno ka tirsan kooxda Al-Shabaab oo halkaasi ku sugnaa, inkasta oo wax faah-faahin ah aysan weli kasoo bixin dowladda federaalka. Sidoo kale waxaa weli duqeyntan ka hadlin taliska Mareykanka u qaabilsan howl-gallada qaaradda Afrika ee loosoo gaabiyo AFRICOM oo inta badan ay dowladda iska kaashadaan weerarada dhanka cirka ah...

Faah faahino dheeraad ah ayaa laga helayaa khasaaraha ka dhashay qarax Ismiidaamin ahaa oo ka dhacay Iskool Plozia ee magaalada Muqdisho. Qaraxa oo uu fuligay ruux watay Jaakad ay qaraxyo ka buuxaan ayaa beegsaday maqaayad ay dad badan fadhiyeen, iyadoo dadka fadhiyay ay ku jiraan askar iyo saraakiil ciidan Gaadiidka gurmadka deg dega ayaa gaaray goobta uu qaraxa Ismiidaaminta ka dhacay waxaana ay halkaas ka bilaabeen qaadista dadka ay waxyeelada kasoo gaartay Ismiidaaminta Goobjoogayaal ayaa ku warranay in qaraxa ay ku nad waayeen dad gaaraya 10 ruux, halka dhaawaca uu ka badan yahay intaasi. Dadka qaraxa ku dhintay waxaa kamid ah Gaashaanle Cabdixakiin oo ahaa madaxa amniga ee Isbitaalka Yardemeli & Abwaan Sugaal Sheekh Shariif oo war culus ka soo saaray qaraxii galabt...

Nin degan gobolka Maryland ee dalka Mareykanka ayaa lagu soo oogay dacwad ah inuu isku dayay inuu taageero agab ah siiyo kooxda Daacish ee Soomaaliya, waxaa sidaas Arbacadii ku dhowaaqay Xafiiska Xeer Ilaaliyaha Mareykanka ee Qeybta Maryland. Michael Sam Teekaye Jr., oo 21 jir ah, kuna nool magaalada Hanover, Maryland, ayaa 14-kii Octobar lagu xiray garoonka diyaaradaha caalamiga ah ee Baltimore Washington, waxaana tan iyo xilligaas uu ku jiray xabsi. Waxa uu ka soo hor muuqday garsoore maxkamadeed Erin Aslan ka dib markii la xiray. Sida lagu sheegay galka dacwaddiisa, Teekaye wuxuu wadahadalo badan la yeeshay sarkaal is-qariyey intii u dhaxaysay Maarso iyo April 2023, isagoo u muujiyay rabitaankiisa ku biirista kooxda Daacish, una safro Afrika si uu ugu dagaallamo kooxda argagixisad...