Author: boodhari

20-Feb-2024 Guddoomiye Sheekh Aadan Madoobe Oo ku baaqay In "Barrito ay jirto kulan xasaasi ah oo Madaxweynaha Somalia uu kaga warbixin kaga bixin doono xaaladda dalka Xildhibaanada labada Aqal ee BJFS oo soo gaba gabeeyay ka doodista cutubka koowaad ee dib u eegista KMG ah. Dood kulul ooy Isku dagaashay Caruurta Noqoneysa Soomaaliya https://youtu.be/RPApwaM5_9c?si=FNVLd7lMD9MEyVoL

20-Feb-2024 Warbaahinta DF oo si weyn loogu weeraray qoraal ay ka soo saartay arrinta SHARIIF Warbaahinta dowladda, gaar ahaan Telefishinka Qaranka (SNTV) ayaa maanta si weyn loogu weeraray qoraal uu kasoo saaray arrin hadal-hayn xooggan dhalisay oo uu kula kacay madaxweynihii hore ee dalka Shariif Sheekh Axmed. Telefishanka Qaranka ayaa shalay aan tebin khubad uu Shariif ka jeediyay baarlamaanka, taasi oo uu madaxweynihii hore uga hadlay dhowr arrimood oo taabanaya wax ka beddelka dastuurka iyo xaaladda guud ee amniga dalka. Maamulka Telefishanka Qaranka Soomaaliya (SNTV) ayaa qoraal uu maanta soo saaray ku sheegay in cilad farsamo oo dhinaca internet-ka ah ay sababtay inuu hakad ku yimaado tabintii tooska aheyd ee telefishanka, xilligaasi oo uu Shariif khudbad ka hor jeed...

20-Feb-2024 Hay’ad fadhigeedu yahay dalka Mareykanka oo OPS GROUP lagu magacaabo ayaa sheegtay in jahwwreerka ka taagan maamulka Hawada Soomaaliya ay khatar ku tahay duulimaadyada diyaaradaha iyo bad-qabka dadka rakaabka ah. OPS GROUP oo qaabilsan garoomada iyo duulimaadyada ayaa sheegtay inay diiwaangelisay ugu yaraan 10 dhacdo oo la kulmeen diyaarado marayay hawada dalka Soomaaliya mudo todobaad ah. Waxay sheegtay hay’adda in diyaaradaha ay tilmaamo qaldan iyo macluumaad laga siiyay xarun laga koonatarool hawada oo waqooyiga Soomaaliya ku taalla. Diyaaradaha ayaa khalkhal la geliyay kadib markii laga maran habaabiyay jihada duulimaadka oo loo sheegay macluumaad iska soo horjeeda. Tani waxay sababtay in diyaarad Israel laga leeyahay gasho halis afduub ay ku sigatay iyad...

19-Feb-2024 Iyadoo manta khudbad ka jeedinaysay shirka Golaha Ammaanka ee Qaramada Midoobay ee Soomaaliya, Ergeyga Gaarka ah ee Qaramada Midoobay Catriona Laing ayaa ka hadashay Horumarka balaaran ee ay Dowladda Federaalka ku tallaabsatay bilihii la soo dhaafay ee ku aaddan hirgelinta waxyaabaha ay mudnaanta siineyso, waxayna warbixin ka bixisay arrimaha siyaasadda, amniga, gobolka, xaaladaha bani’aadamnimada iyo arrimo kale. “Dhanka dastuurka,waxaan ku dhiirigelineynaa dhammaan dhinacyada inay isku tanaasulaan si loo dhameystiro geeddi-socodka dastuurka. Haddii aan la helin dastuur loo midaysanyahay, Soomaaliya waxay noqonaysaa mid u nuglaata dhibaatooyin joogto ah marba hadii aan loo haynin xeerar la isku raacsanyahay oo lagu xaliyo caqabadaha,” Catriona Laing ayaa sidaas u she...

19-Feb-2024 Hay’adda Duulista Rayidka Soomaaliyeed ayaa soo saartay warsaxaafadeed la xiriira dhacdooyinkii u dambeeyay ee hawada Dalka iyo tallaabooyinka la qaaday Iyadoo Markii labaad todobaad Gudihiis ay Somaliland“si aan sax ahayn ula xiriirtay” dayaarad rakaab oo maraysay hawada Soomaaliya " Mas’uulkaas ayaa sheegay in dawladda Soomaaliya ay arrintaas “aad uga walaacsan tahay maadaama ay ka dhalan karaan khataro la xiriira bedqabka duullimaadyada”. Wuxuu intaa ku daray in arrintaas ay maanta kulan ka yeesheen wasiirka wasaaradaas iyo ra’iisul wasaaraha Soomaaliya, kuwaasoo marka arrintaas laga yimaado sidoo kale ka shiray geerida Cabdinaasir Muuse Dahable oo ahaa sarkaal ka shaqaynayey hay’adda duulista hawada oo si aan la garan ugu geeriyooday magaalada Muqdisho http...

19-Feb-2024 Ergeyga Joogtada ah ee Soomaaliya u fadhiya Qaramada Midoobay, Abuukar Cusmaan ayaa u sheegay Golaha Ammaanka ee Qaramada Midoobay in isku dayga Itoobiya ee isku dayga ah ay saameyn weyn ku yeelan karaan xasillooni darro marka loo eego isirka kakan ee Geeska Afrika. Golaha Ammaanka ee Qaramada Midoobay ayaa maanta ka dooday arrimaha Soomaaliya, waxayna diblomaasiyiintii khudbadaha ka jeediyey ka hadleen xiisadda Soomaaliya iyo Itoobiya iyo arrimaha waxka bedelka dastuurka ee Soomaaliya ka socda. Kulankaasi waxaa diblomaasiyiinta khudbadaha ka jeediyey ka mid ahaa Ergayga Gaarka ah ee Xoghayaha Guud ee Qaramada Midoobay ee Soomaaliya Catriona Laing, Ergayga Gaarka ah ee Midowga Afrika u jooga Soomaaliya, iyo wakiillada dawladaha Maryakanka, Britain iyo Shiinaha. ...

19-Feb-2024 Shir Madaxeedka Midowga Africa ayaa gacanta la’iskula tagay kadib markii ay dawladda Ethiopia oo marti-gelinaysa ay ku guul-dareysatay hab-agaasinka, iyo marti-soorka madaxda midowga Africa. Video-Clip laga soo qaaday xarunta midowga Africa ayaa muujinaya buuq, fawdo iyo gacan ka hadal dhex-marayey wafuudda qaar ee ka qayb-galaya shirka, taasi oo muujinaysa habacsanaanta iyo fashilka ay wajahayso Xukuumadda Addis ababa. Warbaahinta Gudaha Itoobiya(Amaharic News Agency) ayaa sheegtay in shirka Midowga Africa intiii uu socday ay rabshada ka dhaceeen halka falanqeeye Itoobiyaan ah oo lagu magacaabo,AndargachewTse uu ku sifeeyey sanadkaan in uu Itoobiya uu yahay sanad uga xun si guud, si gaar ah habka maamulka Shir Madaxeedka Midowga Africa 2024. “Sanadka 2024 waxaa...

19 -Feb -2024 Wariye Jamaal Cismaan oo shalay ay xireen maamulka Soomaaliyeed ee Puntland, islamarkaana caan ku ahaa buunbuuninta wararka argagixisada Al-Shabaab ayaa loo musaafuriyay magaalada Adisababa ee dalka Itoobiya Sirdoonka Puntland ayaa shalay Wariye Jamaal ku xiray garoonka diyaaradaha ee Garoowe, kadib uun markii uu kasoo degay garoonka, sida aan hore u baahinay. Jamaal ayaa markaasi u bilaabatay su’aallo weydiin la xiriirta safarkiisa maamulkaasi uu ku tegay, waxaana duhurnimadii maanta laga soo musaafuriyay magaalada Garoowe ee caasimada maamulka Puntland. Jamaal oo ku caan baxay ka waranka argagixisada iyo inuu si dad badan barahiisa bulshada ugu taageero Shabaab ayaa lagu soo waramayaa in la saaray diyaarada Ethiopian Airweys oo Addis Ababa ku socotay. War...

19-Feb-2024 Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa ka dhageystay warbixinno ku saabsan horumarrada laga gaaray adeegga iyo maamulka Hawada Soomaaliya, Wasaaradda Gaadiidka iyo Duulista Hawada iyo Hey’adda Duulista Rayidka Soomaaliyeed, iyaga oo soo bandhigay warbixinno ku saabsan howlaha duulimaadyada dalka. Mudane Xamsa Cabdi Barre ayaa faray hey’adaha amniga in ay baaritaan dhab ah ku saameeyaan, isla markaana ay gacanta ku soo dhigaan dhagar-qabayaasha ka danbeeyey dilkii muwaadin ka tirsanaa shaqaalaha Hey’adda Duulista Rayidka Soomaaliya oo xalay meydkiisa laga helay gurigiisa, si caddaaladda loo horkeeno, isaga oo tacsi u diray ehellada iyo qoyska uu ka baxay marxuumka. Ra’iisul Wasaaraha ayaa ku bogaadiyey Wasaar...

19- Feb-2024 Dalalka katirsan Gollaha amaanka ee QM ayaa saacadaha soo aadan shir gaar ah ka yeelanaya xaalada Soomaaliya, waxaana warbixino ka siin doono ergayga QM Catriona Laing iyo Wakiilka Midowga Afrika, ahna madaxa ATMIS Mohamed El-Amine Souef. Khudbada Ergayga QM Catriona Laing ee Shirka Gollaha amaanka ayaa la filayaa inay diirada saarto arrimaha siyaasada, dhaqaalaha iyo amaanka dalka Soomaaliya iyo guulihii dhawaan dowlada ka gaartay deyn-cafinta, qaadista xayiraada hubka iyo ku biirista ururka bulshada Afrika. Marka laga yimaado horumarada dalka uu sameeyay,  Soomaaliya waxa ay wajaheysaa caqabado dhowr ah. Catriona Laing waxa la filayaa inay u iftiimiso Gollaha Amaanka doodaha socda ee ku saabsan geeddi-socodka dib-u-eegista dastuurka iyo is-maandhaafka ku saabsan...