18″ January “2023
Baal cusub oo ku saabsan xifaaltanka xamaasadda leh ee u dhexeeya Cristiano Ronaldo iyo Lionel Messi ayaa furmi doona Khamiista marka ay ku kulmaan ciyaar bandhigeed, iyadoo xiddiga reer Portugal uu kulankiisii ugu horreeyay ku ciyaari doono Saudi Arabia tan iyo markii uu ku biiray Al Nassr.
Ronaldo iyo Messi, kuwaas oo gacanta ku haya dooda kubbada cagta ee ku saabsan tii abid ugu waynayd muddo toban sano ah (GOAT) ayaa isku wajihi doona garoonka markii ugu horaysay tan iyo December 2020 markaas oo Juventus 3-0 ku garaacday Barcelona.
Halka kulanka saaxiibtinimo ee Khamiista uu noqon doono kii ugu horeeyay ee Ronaldo uu ku ciyaaro Saudi Arabia, 37-sano jirkaan ayaa kulankiisii ugu horeysay ee tartan rasmi ah wuxuu imaan doonaa Saudi Pro League Axadda markaasoo Al Nassr ay martigelineyso Ettifaq.
Dhanka PSG, marka laga soo tago Messi, xiddigaha kale ee la filayo inay ciyaaraan waxaa ka mid ah weeraryahanka France Kylian Mbappe iyo Achraf Hakimi, kaasoo sanadkii hore Qatar ka caawiyay Morocco inay noqoto kooxdii ugu horeysay ee Carab iyo Afrikaan ah oo u gudubta semi-finalka Koobka Adduunka. Neymar ayaa sidoo kale la filayaa inuu ciyaaro Khamiista.
Wargeyska Faransiiska ka soo baxa ee L’Equipe ayaa soo wariyay isniintii in PSG ay heli doonto kaliya in ka badan 10 milyan oo euros ($10m) kulanka.
Ciyaarta ayaa lagu soo waramayaa in ay heshay in ka badan laba milyan oo tigidh online ah
