Ilo wareedyo ayaa u sheegay ESPN Jimcihii in heshiiska uu ku dhowdahay inuu dhaco ka dib markii Leicester ay hoos u dhigtay qiimahiisu ahaa 80 milyan ginni, islamarkaana labada koox ay ugu dambeyntii ku heshiiyeen heshiis 50 milyan ginni ah.
- Waan ku faraxsanahay inaan ku biiro Chelsea waqtigan aadka u xiisaha badan kooxda,” ayuu yiri Chilwell. Waxaan rajeynayaa inaan qeyb ka noqdo kooxdan da ‘yarta, ee firfircoon ee uu hogaaminayo Frank Lampard sida aan ugu tartameyno abaalmarinta xilli ciyaareedka soo socda. Ma sugi karo inaan ku soo bilowdo waxaana rajeynayaa inaysan muddo dheer sii noqon doonin ka hor inta aan ka hor ciyaareyno taageerayaasha Chelsea ee Stamford Bridge.
- Talaabadan ayaa dhabarjab ku ah kooxda Midlands oo rajeyneysay inay sii heysato ciyaaryahanka heerka caalami ee dalka England. Qiimaynta sarre ayaa ka timid qandaraaska Chilwell ee kooxda oo aheyd inuu socdo ilaa 2024 iyo rabitaanka Brendan Rodger. Si kastaba ha noqotee, rabitaanka buuxa ee dhaqdhaqaaqa iyo cadaadiska dhaqaale ee cudurka faafa ee coronavirus wuxuu ugu dambeyntii horseeday Leicester miiska wadahadalka. Frank Lampard kooxdiisa ma awoodo inay isla markiiba u istcimaalaan madaama dhaawac ciribta ka hor istaagayo inuu ka qeyb qaato bilowga xilli ciyaareedka.
