20- December-2023
Ciidamada dowladda oo dib ula wareegay deegaanada Masagawaay Iyo Ceeldheer ee gobolka Galgaduud Dheeho News Every Day”
Ciidanka Xoogga Dalka oo si buuxda ula wareegay magaalooyinka Ceeldheer iyo Masagawaay
Wasiir ku-xigeenka Wasaaradda Warfaafinta mudane Cabdiraxmaan Yuusuf Al-cadaala oo ka hadlay guusha ay gaareen Ciidamada Qaranka ayaa yiri: “Masagawaa waa laga Cayriyay Khawaarijta, qaybo badan oo ka mid ah Bariga Galguduudna baacsiga Khawaarijta ayaa ka socda.”
Ciidanka Xoogga Dalka Soomaaliyeed ayaa sidoo kale maanta gudaha u galay degmada Ceeldheer ee gobolka Galgaduud.
Wararka ayaa sheegaya in maleeshiyada kooxda Al-Shabaab ee ku sugna degmada ay iskaga carareen, kadib markii ay ka war heleen gulufka ku wajahan.
Taliyaha Guutada 17-aad Kumaandooska Gorgor Gaashaanle Saahid Jaamac Faarax oo hogaaminayay howl-galka ayaa xaqiijiyay in lagu xoreeyay deegaanada bariga Galgaduud dhaca ee hoostago degmada Ceeldheer.
Ciidamada ayaa hadda howl-gal miino baaris ah ka wada wadooyinka soo gala degmada Ceeldheer iyo kuwa ka baxa.