2″ October “2022” XIGASHO Hadhwanaag

Xisbiyada mucaaradka ayaa ka horyimid mudo kordhintii loo sameeyay muuse biixi iyaga oo ka digay dhibaatooyinka ka dhalan kara doorasho la,aanta maamulka la baxay somaliland

Musharax Cabdiraxmaan Cirro ayaa sheegay in golaha Guurtidu uu uga siidaray xaaladii cakirnayd ee dalka ka jirtay.

The opposition parties opposed the extension of the Muse Bihi administration, warning of the problems that may arise from the lack of elections in Somaliland. pic.twitter.com/wLDZiYPzGN

— Elmi Farah Boodhari (@BoodhariFarah) October 2, 2022

Musharax Ciro oo warbaahinta kula hadlay Hargaysa manta ayaa yidhi:-

” Shalay Jamhuuriyadda Somaliland waxaa ka dhacay Fool-xumadii ugu weyned ee ina soo martay intii aynu qaadannay nidaamkan Axsaabta badan,

Shalay waxaa god madow lagu hubsaday oo gabal baas u dumay nidaamkii dimuqraadiyadda iyo doorashooyinka ku dhisnaa, waxaa la xabaalay kalsoonidii Shacabka iyo doonistii dadweynaha.

Waxa cirka lagu laalay rejadii ictiraafka Somaliland, waxaa jar iyo meel daran laga tuuray nidaamkii wada-tashiga iyo isla oggol-ka ku dhisnaa, waxaa Madaxweynuhu u badheedhay sharci darro, Dastuur jabin iyo jar-iska xoornimo.

 Go’aanka Golaha Guurtidu halkii uu xaaladda dalka ka dejin lahaa waxa uu noqday mid uga daray oo batrool ku shubay kabriidna ku qabtay xaaladdii cakirneyd ee JSL ku jirtay.”  Murashax Cirro

DAAWO: Faysal oo Hanjabay “Wixii Dhib Dalka Ka Dhaca Muusaa Ka Masuula”