Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 252
Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 46
Dhuusamareeb, Sibteembar 21, 2023
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo kulan wadajir ah kula qaatay magaalada Dhuusamareeb, wafdi ay hogaaminayaan Gudoomiyaasha labada Gole ee dalka.
Gudoomiyaha Golaha Shacabka, mudane Sheekh Aadan Maxamed Nuur, Gudoomiyaha Aqalka Sare, mudane Cabdi Xaashi Cabdullaahi iyo Xildhibaano ka tirsan labada Aqal ee Baarlamaanka Federaalka Soomaaliya ayaa kala hadlay muhiimadda ay leedahay in loo midoobo dardar galinta dagaalka ciribtirka Khawaarijta.
Madaxweynaha Jamhuuriyadda ayaa warbixin ka siiyay guddoonka iyo Xildhibaanada Baarlamaanka dalka guulaha muhiimka ee laga gaaray dagaalka argagixisada oo bilooyinkii lasoo dhaafay oo si dardar leh uga socday deegaanada dowlad-goboleedyada Galmudug iyo Hirshabeelle.
Madaweyne Xasan Shiikh ayaa soo bandhigay sida ay lagama maarmaanka u tahay in loo midoobo sidii waqti kooban cadowga looga saari lahaa deegaanada ay wali kaga dhuumaaleysanayaan dalka.
Dhankooda, Guddoomiyeyaasha labada Aqal ee Baarlamaanka Jamhuuriyadda oo Dhuusamareeb u yimid dhiirigalinta ciidamada qaranka iyo garab istaagga kacdoonka shacabka Soomaaliyeed ay uga qaybqaadanayaan dagaalka Khawaarijta.
Madaxweynaha Jamhuuriyadda ku bogaadiyay doorkiisa hoggaamineed iyo sida uu muhiimadda koowaad uga dhigay la dagaalanka Khawaarij, iyaga oo xusay in ay si buuxda u garab taaganyihiin ciidamada qaranka iyo kuwa difaaca shacabka ee u taagan dabar-goynta cadowga iyo ilaalinta nabadda iyo xasilloonida dalka.