6″ September “2022” Radio” Kulmiye
犀利士Dagaal xooggan u dhaxeeya Dadka deegaanka iyo Al-shabaab ayaa ka socda deegaanka Ceeley oo 28 KM u jira degmada Maxaas ee Gobolka Hiiraan.
Dagaalka ayaa yimid ka dib markii dagaalameyaal ka tirsan Al-shabaab ay dad iyo xoolo ka afduubteen deegaan aan ka fogeyn halka uu dagaalka ka socdo, dadka deegaanka oo carreysan ayaana weerar ku qaaday raggii Afduubka geystay.
Waxaa jira khasaare isugu jira dhimasho iyo dhaawac oo ka dhashay dagaalka, isgaarsiinta oo xun awgeed lama oggaan karo waxa rasmiga ee ka socda deegaannada u dhaw Maxaas.
Saacadihii la soo dhaafay, abaabul xooggan ayaa ka socday deegaannada Gobolka Hiiraan, kaasi oo looga jawaabayo weeraro ay Al-shabaab dad badan ku laayeen oo ka dhacay halkaasi.