25- August-2023- AFP
Denmark, oo ka mid ah dalalka ugu cilmaanisan adduunka, ayaa biloowday hindise sharciyeed mamnuucaya gubista Qur’aanka iyadoo dalka dariska la ah ee Sweden uu sii wado nijaaseeynta kitaabka oo xoojiyay kooxaha Islam naceybka si ay caro-galiyaan Mualimiinta caalamka
Dowladda Denmark ayaa Jimcihii soo bandhigtay hindise sharciyeed horseedi kara in la mamnuuco in meel fagaare ah lagu gubo qur’aanka kariimka ah.
Wasiirka arrimaha dibadda Denmark Lars Lokke Rasmussen, ayaa u sheegay raadiyaha Danishka in tallaabadani ay calaamad siyaasadeed oo muhiim ah u dirayso caalamka intiisa kale.
Gubida Qur’aanka sida uu dhigayo sharciga cusub waxay noqonaysaa fal lagu mutaysan karo ganaax lacageed ama ilaa laba sano oo xadhig ah.
Peter Hummelgaard, oo ah wasiirka cadaaladda, ayaa sharaxay in sharciga la soo jeediyay uu yahay mid la doonayo in lagu qoro isla xeerkii hadda mamnuucaya in calamada dalalka kale la ceebeeyo.
Sharciga deenishka ayaa mamnuucaya in si khaldan loola dhaqmo walxaha muhiimka u ah bulshada diinta, ayuu yidhi.
Hummelgaard, oo shir jaraa’id ka hadlay, ayaa sheegay in dhawaantan la gubayay Qur’aanka kariimka ahi ay ahaayeen “hadallo aan macno lahayn” oo looga dan leeyahay in lagu huriyo khilaaf iyo nacayb, isagoo intaa ku daray in amniga qaranku uu yahay “ dhiirigelinta” koowaad ee mamnuucidda.
Dowladaha Mareykanka iyo Ingiriiska ayaa dhawaan ku dhawaaqay in mas’uuliyiinta Denmark ay carqaladeeyeen weeraro badan oo “argagixiso” oo la qorsheeyay, lana xiray kadib markii la gubay qur’aanka kariimka ah.
“Ma sii wadi karno inaan garab istaagno gacmaheena oo isdhaafsan halka dhowr qof ay sameynayaan wax kasta oo ay awoodaan si ay u kiciyaan falcelin rabshado ah,” Hummelgaard ayaa sidaas yidhi.
Sharcigu waxa uu dembi ka dhigayaa in meel fagaare ah lagu gubo kitaabka Muslimka ah ee Kitaabka Quduuska ah, Baybalka ama Tawreed.
Ma cadda goorta hindisaha la horgeyn doono 179 kursi ee baarlamaanka Denmark
Saddexda xisbi ee isbahaysiga talada haya ayaa gacanta ku haya 88 kursi, waxaana sidoo kale taageeraya afar siyaasi oo matalaya dhulalka xorta ah ee Danishka ee Greenland iyo Jasiiradaha Faroe.
Bilihii la soo dhaafay, dhowr nuqul oo qur’aanka kariimka ah ayaa lagu gubay dibadbaxayaal midigta-fog ah iyo kooxo Islaam nacayb ah oo ka dhacay Denmark iyo Sweden oo u dhow.
