Ciidamada Xoogga Dalka ayaa howlgal ay ka fuliyeen nawaaxiga degmada Kuntuwaarey ee gobolka Shabeelada Hoose ku dilay saraakiil iyo dagaalamayaal ka tirsan Al-shabaab.
Wakaalada Wararka ee SONNA ayaa daabacday in taliska ciidamada Xooga Dalka ay dileen sarkaalkii Al-shabaab oo ahaa bartilmaameedka howlgalkaasi.
Howlgalka oo ahaa duqeyn dhanka cirka ah ayaa lagu beegsaday goob la sheegay in ay isku uruursanayeen dagaalamayaal ka tirsan Al-shabaab,kuwaasi oo qorsheynayay in ay weeraro ku qaadaan fariisimaha ciidamada Xoogga dalka ay ku leeyihiin gobolka Shabeeladda Hoose.
Dhawaan ayaa howlgal qorsheysnaa oo ciidanka xoogga dalka gaar ahaan Kumaandooska Danab ay ka fuliyeen degmada Kuntuwaarey waxaa ay ku dileen saraakiil iyo dagaalamayaal Al-shabaab ka tirsan,sidoo kale waxaa ay siidaayeen dad shacab ah oo alshabaab maxaabiis ahaan ay u hayeen