8- October-2023
Dagaalo qaraar oo u dhaxeeya dagaalyahanada Falastiiniyiinta iyo ciidamada Israel ayaa weli ka socda deegaano dhowr ah oo ku yaala koonfurta Israel, maalin kadib markii Xamaas ay weerar lama filaan ah ku qaaday gudaha Israel.
Dhanka kale, Xisbullah ayaa sheegatay mas’uuliyadda madaafiic ka soo dhacay Lubnaan oo lagu weeraray beero Shebaa oo la haysto; Israa’iil ayaa sheegtay in ay kaga jawaabtay madaafiic.
Xiisadan ayaa timid iyadoo cabsida laga qabo duulaanka dhulka ee Gaza ay sii kordhayaan ka dib markii ra’iisul wasaaraha Israa’iil Benjamin Netanyahu uu ku hanjabay in dhulka Falastiin ee go’doomiyay uu ka dhigi doono “jasiirad cidla ah”.
Dhimashadii ugu dambeysay ayaa gaartay 313 Falastiiniyiin ah, sida ay sheegeen saraakiisha caafimaadka; iyo ugu yaraan 600 oo Israa’iiliyiin ah, sida ay sheegtay warbaahintu.
Hawlgalka Xamaas waxa uu ku soo beegmay weerarro baahsan oo ay Israa’iiliyiintu ku qaadeen masaajidka Al-Aqsa ee ku yaalla bariga Quddus ee la haysto iyo tiro badan oo Falastiiniyiin ah oo lagu dilay.