Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 252
Warning: Invalid argument supplied for foreach() in /home/dheesqdo/public_html/wp-content/plugins/smart-blocks/inc/generate-css.php on line 46
24″ February 2022 Aljazeera
Dibad-baxyo loo abaabulay diidmada dagaalka Ukraine ayaa ka dhacay waddooyinka London, Tokyo, Paris iyo magaalooyin kale oo badan si ay uga mudaaharaadaan duulaanka Ruushka ee Ukraine.
Wax yar ka dib markii uu soo baxay wararka ku saabsan weerarka Ruushka ee ka dhanka ah Ukraine, dibad-baxayaashu waxay isugu soo baxeen bannaanka safaaradaha Ruushka iyo goobo kale oo taariikhi ah oo ku yaal meelo badan oo adduunka ah.
Dadka ayaa ruxay calanka Ukraine ee buluuga ah, waxayna ku dhawaaqayeen ereyo taageersan Ukraine isu soo baxyada Khamiistii. Qaar badan oo ka mid ah dibad-baxayaasha, oo ay ku jiraan dibad-bax reer Ukraine ah, ayaa kor u taagay boorar ay ku qoran yihiin “Ukrayn way iska caabin doontaa” iyo “Maya ku dheh Putin”.
Madaxweynaha Ukraine Volodymyr Zelenskyy ayaa isbarbar dhig ku sameeyay duulaanka Ruushka ee dalka iyo ololihii militari ee uu qaaday Naasigii Jarmalka intii lagu jiray dagaalkii labaad ee aduunka.
“Ruushku wuxuu Ukraine ku weeraray qaab fulaynimo iyo isdil ah sida Nazi Germany uu sameeyay dagaalkii labaad ee aduunka,” ayuu ku yiri hadal kooban oo online ah, intii uu socday oo uu ugu baaqay dadka reer Ukraine inay “baxaan” iyo “mudaaharaad ka dhan ah dagaalkan”.
Mudaaharaad waxa uu sitay calanka Midowga Yurub, xilli uu socday mudaaharaad lagaga soo horjeeday duulaanka ay Ruushka ku qaadeen dalka Ukrain, kaasoo ka dhacay afaafka hore ee Qunsuliyadda Ruushka ee magaalada Barcelona. ( AFP )
Dadka reer Ukraine ayaa mudaaharaad ka hor dhigay safaaradda Ruushka ee magaalada Madrid ee dalka Spain. /Reuters
Dibad-baxayaashu waxay siteen boodh ay ku qoran yihiin ‘Ukrayn waa gurigayaga’ hortiisa wasaaradda arrimaha dibadda ee Austria, intii ay socdeen mudaaharaad lagaga soo horjeedo duulaanka Ruushka ee Ukraine, magaalada Vienna ee dalka Austria
Dad ayaa ka qeyb galaya bannaanbax ka dhacay afaafka hore ee safaaradda Ruushka ka dib duulaankii Ruushka ee Ukraine, magaalada Oslo ee dalka Norway. [/Reuters
Dibadbaxayaal u dhashay Japan iyo Ukrain ayaa ka qeyb galay isu soo bax looga soo horjeedo duulaanka Ruushka ee Ukraine, kaasoo ka dhacay magaalada Tokyo ee dalka Japan. [Kim Kyung-Hoon/Reuters
Dibad-baxayaal ayaa ka qeyb-galaya dibadbax looga soo horjeedo dagaalka oo ka dhacay afaafka hore ee safaaradda Ruushka ee Paris kadib markii Ruushku uu gudaha u galay Ukraine. [Gonzalo Fuentes/Reuters]
Dadka reer Ukrain ayaa mudaaharaad ka dhan ah gardarada Ruushku ku hayo Ukraine ka dhacay magaalada Hague ee dalka Holland. [Remko De Waal/EPA]
Dadku waxay siteen boorar iyo calamada Ukraine iyagoo ka qaybgalaya bannaanbax lagu taageerayo Ukraine, bannaanka Downing Street, ee London. [Alberto Pezzali/Sawirka AP]
Muwaadiniinta Ukrain ee ku sugan magaalada Istanbuul ee dalka Turkiga ayaa mudaaharaad ka dhan ah duulaanka Ruushka ee Ukraine. [Erdem Sahin/EPA]
