7″ May “2022”
Wafdi uu horkacayay wasiirka horumarinta iyo iskaashiga wadanka Denmark Flemming Moller ayaa gaadhay magaalada Godey ee Dawlad-deegaanka Soomaalida, waxayna halkaa kulan kula qaateen mas’uuliyiinta dawlada.
Ujeeddada booqashadan ayaa ahayd sidii ay ugu kuur-gali lahaayeen saameynta ka dhalatay abaarta deegaanka islamarkaana ay balan qaadeen in ay kaalin tooda ka qaadanayaan sidii bulshada loogu sameyn lahaa mashaariicaha dhanka horumarka waara.
Deeq waqti fiican lagu soo qaatay oo Denmark ka timid oo dhan 15 milyan DKK (US$ 2.1 milyan) ayaa ka caawin doonta Hay’adda Qaramada Midoobay u qaabilsan Cunnada Adduunka (WFP) inay gargaar degdeg ah oo naf badbaadin ah siiso dadka ay abaaruhu saameeyeen ee Soomaaliya.
“Waxaan uga mahadcelineynaa Denmark sida ay u kordhisay taageeradayada gurmadka abaaraha Soomaaliya,” ayuu yiri agaasimaha iyo wakiilka WFP ee dalka Laurent Bukera. “Lacagtan waxay u oggolaanaysaa WFP inay si degdeg ah u bixiso lacag caddaan ah oo ku salaysan dadka Soomaaliyeed ee ay dhibaatadu saameysey, si ay cunto u iibsadaan xilli dad badan ay la halgamayaan sidii ay u noolaan lahaayeen.”
Soomaaliya waxay ku jirtaa xaalad degdeg ah. Abaarta ayaa ka sii daraysa waqooyiga – oo Puntland iyo Somaliland ay ka da’een xilliyo xiriir ah oo roobabku di’in tan iyo 2015-kii – waxayna hadda ku fideen gobollada koonfurta iyo bartamaha dalka. Ku dhawaad saddex milyan oo qof ayaa cunto yari ba’an haysa – in ka badan laba jibaar tiradii lix bilood ka hor.
Sannado badan oo roobab aan ku filnayn, oo ay weheliyaan arrimo ay ka mid yihiin xaalufka dhulka, shaqo la’aanta xilliyeed iyo sicirka cuntada oo kacsan ayaa Soomaali badan ku riixay in ay galaan cunto yari iyo nafaqo darro. Colaadda, barakaca iyo maamul xumada ayaa dhibaatada sii kordhisay.
Sanadkii 2016, WFP waxa ay gargaar cunto siisay 1.2 milyan oo Soomaali ah oo nugul. Iyadoo ku xiran xilliga iyo duruufaha deegaanka, WFP waxay ku bixisaa gargaar degdeg ah iyada oo u marta gargaar cunto oo nooceeda ah ama xawaalad ku salaysan lacag caddaan ah si ay cunto uga soo iibsato tafaariiqleyaal la oggolaaday.
WFP waxa kale oo ay ka taageertaa bulshooyinka abuurista hanti si loo horumariyo hab-nololeedyada, wax looga qabto haqab-beelka cuntada ee gudaha iyo ballaadhinta awooddooda u adkeysiga naxdinta leh.
WFP waxay kala shaqeysaa maamulada maxalliga ah si ay cunto maalinle ah u siiso ardayda dugsiyada hoose iyo taageerada nafaqeynta ee haweenka uurka leh, hooyooyinka nuujinaya iyo carruurta yaryar.
Ka sokow bixinta tabarucaad deeqsinimo ah oo toos ah hawlaha caalamiga ah ee WFP, Danmark waxa ay sidoo kale ka mid tahay deeq-bixiyeyaasha ugu muhiimsan ee WFP ee bixiya lacagaha dabacsan, oo ah nooc taageero oo muhiim ah oo u oggolaanaya jawaab celin degdeg ah oo hufan marka baahiyaha ugu badan yihiin.