25 November 2020 Aljazeera
Isu,taga Imaaraatka Carabta ayaa dalkeeda ka mamnuucday inay tagaan dadka kasoo jeeda 13 wadan oo Muslim ah oo ay Soomaaliyana ku jirto.
Qoraal kasoo baxay dawlada Imaaraatka 18 bishaan oo ay heshay wakaaladda Wararka Reuters ayaa lagu sheegay in dawladu ay siinta dalka ku galka ka joojisay dadka kasoo jeeda ama wata baasaboorada 13 wadan oo dalalka Muslimiinta u badan
XAYEEYSIIN “
Liiska dalalkaas waxaa ku jira Soomaaliya oo dadka wata baasaboorka Soomaaliya looma ogolaan doono inay helaan dal ku galka Imaaraatka Carabta.
Sidoo kale liiska dalalka laga joojiyay inay dalka Imaaraatka tagaan waxaa ku jira Turkiga, Ciraaq, Libya, Yemen,Kenya Lubnan Pakistan iyo dalal kale.
Lama oga sababta hase ahaatee dadka falanqeeya arrimaha gobolka bariga dhexe ayaa sababta ugu weyn ku sheegay inay jirto cabsi dhanka amaanka ah maadaama dawlada Imaaraatka Carabtu ay dhawaan xiriir diblomaasiyadeed la yeelatay yuhuuda,
Dukumiintiga, oo loo diray shirkadaha ka shaqeeya jardiinada oo ay aragtay wakaaladda wararka ee Reuters, ayaa lagu xusay wareegtada socdaalka oo dhaqan gashay Nofeembar 18. Imaaraadka oo ka yimid dalal ay ka mid yihiin Afghanistan, Libya, iyo Yemen.
Xayiraadda fiisaha ayaa sidoo kale khuseysa muwaadiniinta Algeria, Kenya, Iraq, Lebanon, Pakistan iyo Tunisia, ayaa dukumintiga lagu sheegay.
Ilo xog ogaal ah oo arrintan ku saabsan ayaa sheegay in Imaaraadku uu si kumeelgaar ah u joojiyay fiisooyinka cusub ee uu siinayay dadka u dhashay Afghanistan, Pakistan, iyo muwaadiniinta dalal kale oo badan sababo xagga amniga ah.
Xogtu ma sheegin waxa ay walaacaasi yihiin laakiin waxay sheegtay in xayiraadda fiisaha la filayo inay socoto muddo gaaban.
Isbuucii la soo dhaafay, wasaaradda arrimaha dibedda ee Pakistan ayaa sheegtay in Imaaraadku uu joojiyay ka shaqeynta fiisooyinka cusub ee muwaadiniintiisa iyo kuwa waddamada kaleba. .
Wasaaradda Baakistaan iyo ilo wareedka ayaa sheegay in dadka haysta fiisooyinka saxda ah aysan saameyn ku yeelan xayiraadaha cusub ayna geli karaan Imaaraadka
