22″ May”2021″ Saturday” AFP
Warbixin ay heshey hay,adda Amnesty International ayaa sheegeeysa In 110 qof oo rayid ah lagu dilay magaalada Axum ” Afartan qof oo dadkaas ka mid ah ayaa u muuqda in lagala baxay guryahooda
Dad Isu soo baxay ayaa waxay u baroor diiqeen dhibanayaal ay sheegeen in xasuuq ay u geeysteen askarta Eriteriya tuulada Dengolat, waqooyiga Mekelle – caasimada Tigray .
Colaada Tigree oo lix bilood jirsatay ayaa sabab u noqotay dhimashada kumanaan qof , kufsi, dilal sharci daro ah, iyo guryo xoog lagu rartay, sida ay sheegeen maamulka deegaanka iyo kooxaha gargaarka.
Walwalka iyo cabsida dhinac amaanka ciidamada is wata ee gobola tigray oo dilal iyo kufsi aan loo meel dayin geeysanaya ayaa abuuray qaxooti cusub oo ka cararaya guryahooda
Dacwad oogayaasha militariga Itoobiya ayaa xukumay seddex askari oo kufsi ah waxayna cadaadiyeen dacwado ka dhan ah 28 kale oo looga shakisan yahay inay dileen dad rayid ah dagaalada ka socda waqooyiga gobolka Tigray, xafiiska xeer ilaaliyaha guud ayaa ku dhawaaqay.
Intaa waxaa dheer, 25 askari oo kale ayaa loo haystaa kufsi iyo noocyo kale oo xadgudub jinsi ah, sida lagu sheegay bayaan jimcihii soo baxay.
Bayaanka xafiiska xeer ilaaliyaha guud ayaa sidoo kale lagu xaqiijiyay warbixinada laba xasuuq oo ka dhacay Tigray. Waxay sheegtay in 229 qof oo rayid ah lagu dilay magaalada Mai Kadra bilowgii bishii Nofeembar.
Warbixinadan cusub ee ku saabsan xasuuqa ayaa keenay dhaleeceeyn Isdaba joog ah in maamulka abiy uu kala kulmo bulshada caalamka Xoghayaha Arimaha Dibada ee Maraykanka Anthony Blinken ayaa ku Celiyay in “isir sifeyn” ay ka socoto galbeedka gobolka Tigray.
Maalintii Khamiista, Golaha Senate-ka Mareykanka ayaa soo saaray qaraar lagu cambaareynayo “dhammaan dhibaatooyinka loo geysto dadka rayidka ah” ee ku nool Tigray waxayna ku baaqeen in laga saaro ciidammada deriska la ah Ereteriya, oo sidoo kale ciidamo u dirtay Tigray si ay u taageeraan dowladda Itoobiya.
Jimcihii, qaar ka mid ah Itoobiyaanku – gudaha iyo dibaddaba – waxay sameeyeen olole baraha bulshada “Hands Off Ethiopia” oo ay ku boorinayeen waddamada shisheeye inay joojiyaan “faragelinta arrimaha Itoobiya”.
Abiy, oo xukunka la wareegay 2018 una soo bandhigay dib-u-habeyn ballaaran oo dimoqraadi ah oo uu ku guuleystay Abaalmarinta Nabadda ee Nobel ee 2019, wuxuu ballan-qaaday in doorashooyinka baarlamaanka ee soo socda 21-ka Juun ay noqon doonaan kuwo xor iyo xalaal ah, hase yeeshee Ethiopia waxay mar kale dib u dhigtay doorashada iyadoo ay jirto saameynta colaadii ka dhalatay dib u dhigistii hore.
Marka laga soo tago khilaafka Tigray, dowladda Abiy waxay la halgameysaa xakameynta rabshadaha isirka ku saleysan ee ka dhacay dhowr gobol oo ka tirsan Itoobiya.
Xisbiga mucaaradka ah ee Oromo Federalist Congress ayaa balan qaaday in ay qaadacayaan codbixinta iyaga oo sheegay in ay Dhowr hoggaamiyeyaashooda ah lagu dhibaateeyo xabsiga kuwaas oo la xiray ka dib mowjado rabshado wata oo ka dhashay xagaagii la soo dhaafay dilkii lagu la kacay muusikiiste Oromada ahaa.
SOURCE: NEWS AGENCIES
