11″ January ” 2021
Xili dowlada Maraykanka ay bilowday in ciidamadeeda ay kala baxdo dalka Soomaaliya ayey dhinaca kale dalalka Midowga Yurub dib u cusbooneysiiyeen hawlgalada ciidamadooda ku sugan dhulka iyo badda Soomaaliya.
Hawlgalada ciidamada EU-da ee ku sugan Soomaaliya ayaa u badan tababarada ay siiyaan ciidamada kala duwan ee dowlada Federaalka Soomaaliya iyo Hawlgalka illaalinta badda Soomaaliya iyo kahortagida kooxaha burcadbadeeda; hawlgalkaasi oo loo yaqaan Atalanta.
Ciidamada EU-da hawlgaladooda ayaa la sheegay inay sii socon doonaan illaa 31ka bisha December 2022.
Go’aankan ayaa la sheegay inuu la xariiro xoojinta hawlgalada amaanka ee Soomaaliya & Barriga Afrika iyo kaalinta ciidamada EU-da ku leeyihiin gobalka.
Midowga Yurub ayaa go’aankoodan sidoo kale doonaya inay ku cadeeyaan inay sii wadi doonaan taageerada ay dowlada Soomaaliya kasiiyaan dhinaca amniga.
