Waxaa Faah-faahino kala duwan ay ka soo baxayaan dagaal xooggan oo saakay ka qarxay galbeedka gobolka Mudug, kaas oo u dhexeeyo laba maleeshiyo beeleed oo kasoo kala jeeda maamullada Galmudug iyo Puntland.
Dagaalka ayaa la sheegay inuu si gaar ah uga socdo aagga deegaanka Jiicboor, iyada oo labada dhinac ay isku adeegsanayaan hubka noocyadiisa kala duwan.
Ilo wareedyo laga helayo dadka deegaanka ah ayaa warbaahinta u sheegay in dagaalka uu kusii fidayo goobo horleh, isla-markaana ay jiraan khasaare isugu jiro dhimasho iyo dhaawacba leh. Inkastoo xilligan la joogo aan la xaqiijin karin khasaaraha dhabta ah.