3″ April ” 2021″ AFGOOYE
CUSBOONEEYSIIN.” Taliska Militeriga Soomaaliya oo guulo ka sheegtay dagaaladii Awdheegle iyo Bariire
Taliyaha ciidanka dhulka ee militeriga Soomaaliya Jeneraal Maxamed Tahliil Biixi oo ka hadlay dagaaladii saakay ka dhacay Bariire iyo Awdheegle ayaa warbaahinta dowladda u sheegay in kooxdu ay weerarro ku bilowday qaraxyo aroortii hore ee saakay ku qaaday saldhigyo ay ciidamada dowladdu ku leeyihiin Bariire iyo Awdheegle oo ka tirsan gobolka Shabeellada Hoose.
Taliyaha ayaa sheegay in ciidamada dowladda ay ka hortageen weerarradaas ay Al-Shabaab ku soo qaadeen saldhigyada Bariire iyo Awdheegle, isla markaana ay gaarsiiyeen khasaare xoog leh.
Ugu yaraan 45 xubnood ayuu sheegay Taliye Biixi in Al-Shabaab ay uga dileen dagaalladii saakay ka dhacay Bariire iyo Awdheegle.
Sidoo kale waxa uu sheegay inay jiraan dhaawacyo badan oo soo gaaray dagaalamayaashii Al-Shabaab ee weerarka ku qaaday labada saldhig.
Dhanka kale afhayeen howlgallada kooxda Al-Shabaab Cabdicaziiz Abuu Muscab ayaa warbaahinta taageerta kooxda u sheegay in 47 askari ay weerarka Bariire uga dileen ciidamadadowladda, isla markaana lix gaari oo tikniko ah ay ka furteen ciidamada dowladda Soomaaliya.
Ma jirto cid ka madax-banaan labada dhinac oo xaqiijin karta khasaaraha rasmiga ah ee ka dhashay dagaaladii saakay oo dadka deegaanku ay sheegeen inay aad u cuslaayeen
Kooxda Al-Shabaab ayaa saakay waaberigii hore weerarro culus oo ku bilkaawday qaraxyo waxay ku qaaday laba saldhig oo ciidamada dowladda Soomaaliya ay ku leeyihiin magaalooyinka Bariire iyo Awdheegle ee gobolka Shabeellada Hoose.
Waxaa jira khasaare ka dhashay dagaalkaas oo ahaa mid culus oo sacado socday, balse lama oga inta uu dhanyahay khasaaraha rasmiga ah, waxaana la soo werinayaa in ciidamada dowladda ay iska caabiyeen dagaalamayaashii soo weeraray.
Warbaahinta taageerta kooxda ayaa waaberigii hore ee saakay baahisay in Al-Shabaab ay cagta mariyeen labada saldhig ee weerarka ay ku qaadeen oo ciidamada dowladda Soomaaliya ay ku leeyihiin magaalooyinka Bariire iyo Awdheegle.
Qoraal lagu baahiyey bogga Idaacadda Ciidamada Qalabka Sida ee Soomaaliya ayaa lagu yiri, “Ciidanka Xoogga Dalka Soomaaliyeed oo markasta kafeejigan dhagarta cadawga waxeey hortageen weeraro maleeshiyaadka Al-Shabaab isku dayeen inay kusoo qaadaan degmada Awdheegle iyo degaanka Bariire ee Gobolka shabeelaha hoose. Gaadiid waxyaabaha qarxa ay kasoo buuxiyeen ayay ciidanka xoogga kaga hortageen magaalooyinka banaankooda. Al-Shabaab waxaa halkaasi lagu gaarsiiyay qasaare xoogan meeydad badan ayay ka carareen.”
Muuqaalo ay iska soo duubeen ciidamada dowladda Soomaaliya, gaar ahaan kuwa Gor Gor ee militeriga Soomaaliya ayaa muujinaya isaga oo dabaal degaya oo ku qeylinaya “Soomaaliya hanoolaato, ciidanka Gor Gor ha guuleysto” iyo erayo kale waxaana dhulka daadsan meydadka rag ay ku sheegeen inay ka Eileen all shabaab
