Radiokulmiye
Hibo Maxamed Xasan ayaa shalay gelinkii hore laga afduubtay xaafadda 5-ta Geed ee degmada Howlwadaag ayaa maanta lagu qabtay degmada Gurceel, sida ay noo xaqiijiyeen xubno ka tirsan maamulka degmada.
Wararka aan ka heleyno degmada Gurceel ee gobolka Galgaduud waxay sheegayaan in maanta magaaladaas lagu qabtay gaari siday gabar shalay laga afduubtay magaalada Muqdisho ee caasimadda Soomaaliya.
Gabadha ayaa la socotay gaari Leylo-Calaawi ah oo ka baxay Muqdisho, isla markaana u rarnaa degmooyin ka tirsan gobollada dhexe ee dalka, waxaana gaarigaas dhex uga haray burcadii ay u afduubneyd gabadhaas.
Hibo Maxamed oo ah gabadha la afduubtay iyo gabi ahaanba dadkii la socday gaari ayaa la isugu geeyay saldhigga magaalada Gurceel, halkaas oo su’aalo lagu weydiinayo.
Ilo lagu kalsoonaa karo ayaa noo sheegay in kooxdii Muqdisho ka afduubatay gabadha ay duleedka Gurceel uga hareen gaariga, isla markaana ciidamada ammaanka Gurceel ay ogaadeen intii gaariga iyo dadkii la socdayba lagu baarayey barta Control ee laga galo magaala guriceel