Idaacadda Dalsan ee Magaalada Muqdisho
Magaalada Garoowe ee Xarunta Nugaal ayaa waxaa ay ku warramayaan in halkaas fal kufsi ah loogu geystay Gabar kamid ah dadka deegaanka.
Laba rag ah ayaa kufsiga u geystay Gabadha oo aheyd mid dhimirka la’, taas oo marka hore la waayay, kadibna la helay iyada oo meel taallo, isla markaana loo geystay dhibaato.
Qaar kamid ah Ehelada Gabadha ayaa xaqiijiyay inay gabadhooda ay baxsatay, iyada oo Silsilad lugaha uga xirneyd, markii la raadiyayna la waayay, hayeeshee la helay iyada la kufsaday.
Khaqaatiir Caafimaad oo ku sugan Magaalada Garoowe ee Xarunta Gobolka Nugaal ayaa soo weriyay in Gabadha la geeyay Xarun Caafimaad, isla markaana haatan lagu dabiibayo xaaladeeda caafimaad.
Garoowe ayaa waxaa horey uga dhacay falal isugu jiray kufsi iyo dil oo loo geystay Gabdho, waxaana falalkaas qaarkood loo soo qabtay rag farabadan, kuwaasi oo qaar kamid ah kamid ah dil toogasho ah lagu fuliyay, halka kuwo kalena xukuno lagu riday.