16″ February “2023”
200 oo Argagixiso ah oo ay ku jiraan 4 Horjooge, Salaad Maxamuud Siyaad, Xuseen Dheere, Sandheere & Yuusuf Cali Sheekh ayaa lagu dilay howlgal 24-kii saac ee la soo dhaafay ay Ciidamada #Soomaaliya oo taageero ka helaya saaxiibadooda caalamiga ah ay ka fuliyeen deegaanka Iji oo ka tirsan Hirshabeelle, sida ay sheegtay Dowladda.
Galmudug ayaa sheegtay inay dileen illaa 55 xubnood oo ka tirsan maleeshiyada kooxda Al-Shabaab, kadib dagaal culus oo ka dhacay deegaanka Qaycad.
Guddoomiye ku xigeenka Wisil Cabdigaraad Cumar Maxamed ayaa sidoo kale sheegay in dhinacooda dagaalka Qaycad ka dhacay ay uga geeriyoodeen illaa 4 Akari kuwo qaar kalena ay uga dhaawacmeen.
Dagaalkii shalay ka dhacay Hawdka Qaycad ee koofurta Gobolka Mudug ayaa waxaa bar bar socday duqaymo ay diyaarado dagaal u geysanayeen Fariisimo Alshabaab ay ku laahaayen degaanka Hawdka Qaycad.
Gobolka Mudug ee bartamaha Soomaaliya waxaa ka socda howlagallo ka dhan ah Al-shabaab, kaas oo looga qabsaday deegaano dhowr ah.