Goobo ganacsi oo ay Soomaalidu ku lahayd dalka Mozambique ayaa la boobay iyadoo ay socdaan qalalaasaha siyaasadeed ee ka dhashay natiijada doorashada ee lagu muransan yahay.
Bililiqadan ayaa inta badan saameyn ku yeelatay ganacsiyada Soomaalida ee ku yaalla caasimadda Maputo iyo magaalada Nampula, sida ay sheegeen qaar ka mid ah jaaliyadda Soomaaliyeed ee dalkaasi ku dhaqan.
Rabshadaha ayaa qarxay isniintii kadib markii maxkamada ugu sareysa dalka Mozambique ay xaqiijisay in xisbiga Frelimo ee talada haya uu ku guuleystay doorashadii madaxtinimo ee bishii October, taasoo u sii dheereysay xukunka oo uu xisbigan hayay tan iyo 1975-kii.