Golaha Ammaanka ee Qaramada Midoobay ayaa u codeynaya in Soomaaliya laga qaado cunaqabateynta hubka ka dib soddon sano
Cunaqabataynta ayaa la saaray Soomaaliya sanadkii 1992-kii si loo gooyo isu socodka hubka ee dagaal oogayaasha dalka isku haya.
Golaha Ammaanka ee Qaramada Midoobay ayaa maanta oo Jimce ah lagu wadaa inay u codeeyaan in meesha laga saaro xayiraaddii ugu dambeysay ee hubka la geeyo dowladda Soomaaliya iyo ciidamadeeda ammaanka, sida ay sheegeen dublamaasiyiin, in ka badan 30 sano kaddib markii cunaqabateynta hubka lagu soo rogay dalka.
Golaha amaanka ayaa cunaqabateynta saaray Soomaaliya sanadkii 1992-kii si loo jaro hubkii ay isku mari la’yihiin dagaal oogayaashii xukunka ka tuuray kaligii taliyihii Maxamed Siyaad Barre, islamarkaana dalka Geeska Afrika ku yaalla geliyey dagaalo sokeeye.
Xubnahan oo ka kooban 15 xubnood ayaa lagu wadaa in maanta oo Jimce ah ay ansixiyaan labo qaraar oo ay soo diyaarisay dowladda Britain, sida ay sheegeen dublamaasiyiintu – mid ka mid ah in Soomaaliya laga qaado cunaqabateynta hubka oo dhan iyo mid kale in dib loogu soo celiyo cunaqabateynta hubka ee saaran kooxda xiriirka la leh Al-Qaacida ee Al-Shabaab.
Mid ka mid ah go’aamada qabyada ah ayaa qeexaya in “si looga fogaado shakiga, in aysan jirin wax cunaqabateyn hubka ah oo saaran Dowladda Jamhuuriyadda Federaalka Soomaaliya”.
Waxay kaloo walaac ka muujinaysaa tirada goobaha lagu kaydiyo rasaasta ee Soomaaliya, waxayna dhiirigelinaysaa dhismaha, dib-u-habaynta iyo adeegsiga bakhaarrada badbaadada ah ee Soomaaliya oo dhan. Waxay ku boorinaysaa dalalka kale inay caawiyaan.
Al-shabaab ayaa tan iyo sannadkii 2006-dii waday kacdoonno ka dhan ah dowladda Soomaaliya oo ay isku dayday in ay sameysato xukun u gaar ah oo ku saleysan tafsiir a犀利士 dag oo ku saabsan Shareecada Islaamka.
Dowladda Soomaaliya ayaa muddo dheer dalbatay in laga qaado cunaqabateynta hubka si ay u xoojiso ciidamadeeda si ay ula dagaallamaan mintidiinta.
UNSC waxay bilawday inay qayb ahaan bilawdo qaadista tillaabooyinka ciidamada ammaanka Soomaaliya 2013-kii
Madaxweyne Xasan Sheekh Maxamuud ayaa todobaadkii hore sheegay in Soomaaliya ay u harsan tahay hal sano oo Al-Shabaab looga saarayo, iyadoo ay ku egtahay bisha December ee soo socota waqtiga ay ka baxayaan ciidamada AMISOM ee ka haray howlgalka Midowga Afrika.
