21″ February “2022
Guddiga Doorashooyinka Federaalka oo Shaaciyay In Lagala Wareegay Barihii Bulshada
Guddiga doorashooyinka heer Federaal ayaa shaaca ka qaaday in Guddigooda mar kale lagala wareegay oo gacantooda ka baxeen dhammaan barihii Bulshada oo Guddiga doorashooyinka ku shaqeynayey, kuna soo gudbinayey Warbixinada.
Qoraal kasoo baxay Guddiga doorashada Federaalka, kuna saxiixan yahay Guddoomiyaha Guddigaas Muuse Geelle Yuusuf ayaa waxaa lagu sheegay in lagala wareegay barihii uu lahaa sida: Website-ka, Bogga Facebook iyo Twitter-ka.
Guddiga ayaa xusay in tallaabada lagula wareegay dhammaan barihii Bulshada Guddiga ay muujineyso mas’uuliyad darrada iyo carqaladeynta lagu haayo doorashada, iyagoona caddeeyay in haatan wixii ka dambeeya in waxa laga soo qoro Guddiga ay waxba kama jiraan yihiin.
Sidoo kale Guddiga doorashooyinka heer Federaal ayaa tilmaamay in xogaha doorashada ay ku soo gudbin doonaan shirar Jaraa’id oo lagula hadlayo warbaahinta iyo wareysiyo, mana shaacin Guddiga cidda la wareegtay barihii Bulshada ee Guddiga.
Guddiga Doorashada Federaalka oo Mar Kale Amray In La Hakiyo Doorashada Kursiga HOP#086
Guddiga hirgelinta doorashooyinka heer Federaal ayaa Guddiga doorashada Hirshabeelle ku boggaadiyey dardar-gelinta doorashada kuraasta Golaha Shacabka Baarlamaanka 11-aad ee taalla Magaalada Baladweyne ee Xarunta Gobolka Hiiraan.
Qoraal soo saareen Guddiga doorashada heer Federaal ayey mar kale Guddiga doorashada Hirshabeelle ku amreen inuu hakiyo qabashada doorashada kursiga tirsigiisu yahay HOP#086 oo u sharaxan yahay Fahad Yaasiin Xaaji Daahir.
Guddiga hirgelinta Doorashooyinka heer Federaal waxa uu bogaadinayaa Guddiga SEIT ee Hirshabelle dardar gelinta kuraasta deegaan doorashada labaad ee Beledweyne, hasayeeshee wuxuu farayaa, adkaynayaana qoraalkii kasoo baxay guddoonka Guddiga Hirgelinta Doorashooyinka Heer Federaal (FEIT) ee lagu hakiyay kursiga tirsigiisu yahay HOP#086” ayaa lagu yiri Qoraalka Guddiga.
Guddiga doorashada ayaa Guddiyada doorashada Hirshabeelle iyo kuwa Xallinta Khilaafaadka ka dalbaday inay hakiyaan qabashada doorashada kursiga HOP086, in壯陽藥 ta laga xallinayo cabashada ay soo gudbiyeen Odayaasha iyo Nabaddoonada.
Kursiga tirsigiisu yahay HOP086 oo deegaan doorashadiisa tahay Magaalada Baladweyne ee Xarunta Gobolka Hiiraan ayaa Maanta la qabanayaa doorashadiisa, waxaana kusoo bixi doona Fahad Yaasiin Xaaji Daahir.