29″ December “2022
Halyeygii kubbadda cagta ee reer Brazil Edson Arantes do Nascimento, oo loo yaqaanay Pele, ayaa geeriyooday isaga oo 82 jir ah Dheeho.com
Pele ayaa la ildarnaa xanuunada kelyaha iyo qanjirka ‘prostate’ sannadihii u dambeeyay isaga oo qaliin lagaga soo saaray mindhicirkiisa bishii Sebtembar 2021 dii
Cisbitaalka ayaa xaqiijiyay in Pele uu u dhintay “sababo la xiriirta, fashilka xubnaha badan ee jirka, taasoo ka dhalatay horumarka kansarka mindhicirka ee la xidhiidha xaaladiisa caafimaad ee hore”.
Inantiisa Kely Nascimento ayaa taageereyaasha kala socodsiisay xaaladda aabbaheed iyada oo cusbitaalka si joogto ah ula socodsiisay warbaahinta bulshada
Bogga Twitter-ka ee Pele ayaa la soo dhigay: “Maalintii Khamiista sawir wax u muuqda gacmaha qoyska Pele oo saaran jirkiisa oo isbitaalka ku jira, waxayna ku qortay: “Wax walba oo aan nahay adiga ayaa mahadsan.
Ciyaaryahanka kaliya ee ku guuleystay Koobka Adduunka seddex jeer, isagoo qaaday koobka 1958, 1962 iyo 1970, Pele ayaa loo magacaabay ciyaaryahankii qarniga ee Fifa 2000.
Edson Arantes do Nascimento, oo loo yaqaanay Pele, ayaa noqday xidig caalami ah markii uu 17 jir ahaa, waxa uu u balan qaaday aabihiis koobka adduunka, wuuna guddoonsiiyey saddex jeer
Pele wuxuu ka caawiyay Brazil inay ku guuleysato koobkii adduunka ee 1958 ee Sweden, isagoo ku qasbay inuu ku soo bilowdo wareega 16ka.
Xiriirka kubbada cagta Brazil iyo Santos ayaa sheegay in Pele uu dhaliyay 1,283 gool 1,367 kulan oo uu ciyaaray, halka Fifa ay sheegtay in uu dhaliyay 1,281 gool 1,366 kulan oo uu ciyaaray 21-sano oo uu ciyaaray, oo ay ku jiraan 77 gool 92 kulan oo uu u saftay dalkiisa
Koobkii Adduunka ee 1962, Pele, oo markaas 21 jir ah, ayaa dhaliyay gool cajiib ah oo shaqsi ah ciyaar ay 2-0 kaga badiyeen Mexico si ay u furaan ololahooda, laakiin waxa uu dhaawac soo gaaray ciyaartii xigtay, waxaana uu ka daawaday meel ka baxsan xilli ay kooxdiisu difaacaneyso horyaalka.
Codbixin ay samaysay BBC Sport sannadkii 2020, Pele ayaa loogu doortay ciyaartoygii ugu fiican abid ee soo mara taariirqada kubada cagta adduunka ,isagoo ka sara maray Lionel Messi, Cristiano Ronaldo, Diego Maradona iyo Johan Cruyff
Pele oo shaar la’aan ah ayay kor u qaadeen saaxiibadii iyo taageerayaashii Barzil ka dib koobkii adduunka ee lagu qaaday Mexico City 1970kii, kaas oo ahaa mid ay ku duugan tahay xusuus weeyn .
Mid ka mid ah shaqsiyadii ugu horeeyay ee ciyaarta, Pele waxa uu soo bandhigay quruxdiisii xirfadeed ee uu ka soo bilaabay wiil dhalinyaro ah oo Isaga oo 15 jir ah la jiray Santos ilaa uu ka noqday nin lacag ku wareegaya New York Cosmos.
Weynaantiisa waxaa lagu qiyaasi karaa xaqiiqda fudud ee ah inuu kubbadda cagta ka dhigay muuqaal nimco dabiici ah iyo qurux-Iyadoo Meel kasta oo kubbadda cagta lagu ciyaaro, uu magaca Pele la mid noqon doono.
By/ Abdulkadir Farah Dulyar
