20″ December “2022
Haweenka Afgaanistaan ayaa lagu dhawaaqay in muddo aan la cayimin laga mamnuucay inay helaan waxbarasho jaamacadeed Taliban ayaa maanta si cad u sheegtay arintaas Dheeho.com
Hogaamiyaasha Taliban ee Afgaanistaan ayaa amar ku bixiyay in gabi ahaanba laga mamnuuco waxbarashada jaamacada haweenka dalkaasi, wasaarada tacliinta sare ayaa ku sheegtay warqad ay u dirtay dhamaan jaamacadaha dowlada iyo kuwa gaarka loo leeyahay.
Wasiirka tacliinta sare ee dalka, Neda Mohammad Nadeem, ayaa soo saaray warqad ku socota dhammaan jaamacadaha dowladda iyo kuwa gaarka loo leeyahay, taasoo lagu amrayo in isbedel la sameeyo.
“Dhammaantiin waxaa laydinku wargelinayaa inaad dhaqangelisaan amarka lagu sheegay joojinta waxbarashada haweenka ilaa amar dambe,” ayaa lagu yiri warqadda uu ku saxiixan yahay wasiirka tacliinta sare, Neda Mohammad Nadeem.
Inkastoo haweenka loo ogolaaday inay sii wataan waxbarashadooda Jaamacadeed kadib markii Taalibaan ay la wareegeen 15-kii Ogosto ee sannadkii hore, haddana waxaa la siiyay inay wax ku bartaan fasallo gaar ah oo ay isku qariyaan sida ay kooxdu u fasiratay shareecada Islaamka.
Laakiin bilihii xigay waxaa la arkay dumarka laga mamnuucay in ay dhigtaan xiisadaha Jaamacadda Kabul, ee ku taal caasimadda dalka, maadaama aan weli la abuurin ‘jawi Islaami ah’.
Gabdhaha yaryar ayaa sidoo kale laga saaray in ay ku noqdaan dugsiga sare waxaana wasaaradii haweenka lagu bedelay waax ‘ku-xigeenka iyo wanaaga’ oo rag ah.
Goobaha madadaalada iyo jimicsiga ayaa xitaa noqday meel aan laga tagi karin haweenka sababo la xiriira xannibaadaha ay Taliban ku soo rogtay xuquuqda haweenka.
Halka dumarka Afqaanistaan ay u halgamayeen oo ay heleen xuquuqaha aasaasiga ah 20kii sano ee la soo dhaafay, malaayiin ayaa hadda lagu qasbay inay guryahooda joogaan oo ay ka tagaan hammigooda.
Faadumo oo 17 jir ah oo hammi ku lahayd inay noqoto Injineer ayaa u sheegtay Daily Mail sannadkii hore: ‘Maanta garan mayno waxa berri iman doono, haddaba sidee baan uga hadli karnaa mustaqbalkayaga? Waxaa laga yaabaa inaan isku dayo inaan aado dibadda. Waxaan halkan ku haynaa gabdho badan oo wax garad ah. Laakiin waan ku xayirannahay.
壯陽藥 Ka hor inta aysan quwadaha waaweyn ee dunidu faragelin ku samayn Afgaanistaan, waddanku waxa uu ku naaloonayay muddo kooban oo boqortooyo dastuuri ah, xilligii uu xukumayay Boqor Mohammad Zahir Shah.
Boqorku waxa uu ansixiyay dastuurka sanad ka dib markii uu xukunka qabtay 1963-kii, isaga oo keenay ku dhawaad toban sano oo dimoqraadiyad baarlamaani ah ka hor intii aan la afgembin 1973-kii.
Dastuurkii 1964-kii ayaa haweenka siinaya xaqa ay u leeyihiin inay codeeyaan markii ugu horeysay, wuxuuna albaabada u furay doorkii ay ku lahaayeen siyaasadda