14- December-2023
Howlgal culus ayaa saakay Khawaarijta looga saaray saldhig weyn oo ay ku lahaayeen buurta Babad oo koonfur ka xigta deegaanka Shabeelow ee gobolka Mudug.
Ciidanka xoogga dalka Soomaaliyeed, gaar ahaan guutada 18-aad ee Gorgor, Danab, Daraawiishta Galmudug iyo xoogagga dib u xoreynta deegaanka ayaa fuliyey howlgalkaan, waxayna ciidamadu weli sii raacdeysanayaan firxadkii Khawaarijta.
Abaanduulaha guutada 18-aad ee Gorgor Gaashaanle Cabdi Maxamed Suulnuug ayaa warbaahinta qaranka u sheegay inay halkaas isaga carartay Khawaarijtii ku dhuumaaleysaneysay, isagoo nooga waramay waxyaabihii ay ku arkeen goobihii laga xoreeyey.