16 September-2023-
Howlgal lagu beegsanayo horjoogayaal iyo maleeshiyaad Khawaarij ah ayaa hadda ka socda aagga Jiinka wabiga Shabeelle, dhanka Bari ee degmada Mahadaay ee gobalka Shabeellaha Dhexe, kaas oo ay fulinayaan ciidanka Qaranka iyo Saaxiibada Caalamka.
Sirdoonka Qaranka ayaa si dhow ula socday xogta horjoogayaal iyo maleeshiyaad Khawaarij ah oo mudooyinkaan isku aruursanayay aaggaas, Waxaa jira khasaaro xoog leh oo cadowga lagu gaarsiiyay howlgalkaan
DHINACA KALE DOWLADA SOMALIYA OO SHEEGTAY INAY ALSHABAAB KA QABSATAY LABA MAGAALO OO MUHIIM AH
Ciidanka Qaranka iyo geesiyaasha dadka deegaanka oo ku jira hawlgalka sifeynta ayaa maleeshiyaadka Khawaarijtu waxa ay isku dayeen in ay dagaal kala hortagaan dhanka deegaanka Qodqod ee ku yaalla duleedka magaalada Camaara, waxaana halkaas loogu gaystay cadawga jab xooggan.
Dowladda Soomaaliya waxa ay u mahadcelinaysaa shacabka geesiyaasha ah ee go’aansaday in ay cadawga ummadda Soomaaliyeed ee Khawaarijta ah iska dul qaadaan garabna istaagaan Ciidanka qaranka.
Waxaa ka go’an Dowladda Federaalka Soomaaliya oo kaashanaysa shacabka Soomaaliyeed in la ciqaabo dhagar qabeyaasha Khawaarijta ah ee ku dhiirran falalka shacabka iyo dalka lagu dhibaateynayo, isla markaana ka dhaga adayga in ay ka haraan fikirka iyo ficilada Khawaarijta.