Dar es Salaam, Tanzania – 22″ Jan”2023
Go’aanka madaxweyne Xasan uu ku soo afjaray lixdii sano ee xayiraadda lagu soo rogay shirarka siyaasadda ayaa waxaa ammaanay mucaaradka.
Sabtidii, Chadema, oo ah xisbiga mucaaradka ugu weyn Tansaaniya, ayaa isu soo bax dadweyne oo ugu horreeyay muddo lix sano ka badan ku qabtay magaalada Mwanza ee waqooyi-galbeed saddex toddobaad uun ka dib markii madaxweyne Samia Suluhu Hassan uu xayiraadda ka qaaday kulannada siyaasadeed ee la soo rogay 2016-kii.
Waxaa magaalada ka dhacay soo dhawayn farxadeed oo ay madaxda xisbiga ku soo dhaweeyeen boqolaal taageereyaal ah oo ku labisan dareeska midabka Chadema – casaan, buluug iyo caddaan. Sidoo kale waxaa goobta lagu soo bandhigay suugaan iyo riwaayado lagu maaweelinayay taageerayaashii ku soo xoomay garoonka Furaha oo ah goobta uu ka dhacayo isu soo baxa.
Bishii Juun 2016, hogaamiyihii ka horeeyay Xasan John Magufuli ayaa ka mamnuucay saraakiisha la soo doortay inay shirar ku qabtaan meel ka baxsan deegaanadooda. Madaxweynihii hore waxa uu ku dooday in xilligii doorashadu dhamaaday, isu soo baxyaduna ay yihiin kuwo wakhti lumis ah oo horumarka laga leexinayo
Waxay samaysay dhaqdhaqaaqyo ay kula heshiiso mucaaradka laakiin waxaa sidoo kale loo arkayay inay sii wadato qaar ka mid ah siyaasadihii qallafsanaa ee kii ka horreeyay – oo ay ku jiraan toddobo bilood oo xadhig ah hoggaamiyaha Chadema Freeman Mbowe oo lagu eedeeyay “maalgelinta argagixisada”.
Sabtidii mar uu la hadlayay taageerayaasha xisbiga, Mboowe waxa uu ku jiray jawi heshis, isaga oo ku booriyay dadkii isugu soo baxay in ay ka fogaadaan naceybka ka dhanka ah taageerayaasha xisbiga talada haya iyo madaxdooda isaga oo ammaan u jeediyay madaxweyne Xasan.
“Ceeb la’aan, waxaan hortiina iyo caalamkaba u taaganahay inaan u mahadceliyo Madaxweyne Samia Suluxu Xasan, sida ay ugu dulqaadatay shirar badan oo aan qabannay, anigoo ku qanciyay inay garwaaqsato in dalkan loo baahan yahay dib u heshiisiin. Madaxweynahani waxa uu aqbalay dib u heshiisiin,” ayuu yiri Mbowe.
Waxa uu ku tilmaamay dib u soo celinta isu soo baxyada dib u soo celinta xuquuqaha aasaasiga ah ee madaniga ah Tansaaniya ayaa lagu dhacay sharciyo daciif ah.
Dib u habaynta dimuqraadiga
Dib u soo laabashada isu soo baxyada ayaa loo arkaa in ay qeyb ka tahay isku dayga uu Xasan ku doonayo in uu kaga go’o hannaankii hogaamineed ee Magufuli oo si weyn loogu tilmaamay mid kalitalisnimo ah.
Laga soo bilaabo qaadista xayiraadda dhowr wargeys ilaa u oggolaanshaha ardayda uurka leh inay ku soo laabtaan dugsiga oo ay qaataan tallaalka COVID, Hassan wuxuu ka go’ay inuu joojiyo ficillada badan ee muranka dhaliyay ee Magufuli oo ay isu dhigto sidii dib-u-habayn.
壯陽藥 – wp:paragraph –>Bishii Disembar 2021, waxaa la sameeyay koox-hawleed gaar ah si ay u baaraan ugana warbixiyaan geeddi-socodka dimoqraadiyadda ee dalka. Seddex bilood ka dib, guddiga loo xilsaaray ayaa warbixintooda u soo bandhigay Xasan oo ay kula taliyeen in dib loo bilaabo isu soo baxyada dadweynaha. Talooyinka kale ee la soo jeediyay waxaa ka mid ahaa soo celinta hannaanka dib u habeynta dastuurka iyo dib u eegista shuruucda wax u dhimeysa hannaanka siyaasadeed ee dalka.
Bishii Luulyo 2022, oo dalku u dabaaldegay 30 sano oo siyaasadda xisbiyada badan, Xasan ayaa op-ed u qortay majaladda maxaliga ah ee The Citizen, iyada oo ku soo koobtay ujeedadeeda waxa ay u samaysay “4 Rs; Dib-u-heshiisiinta, Dib-u-dejinta, Dib-u-habaynta iyo Dib-u-dhiska.
Bernadeta Killian, oo ah borofisar cilmiga siyaasadda ka dhiga jaamacadda Dar es Salaam ayaa sheegay in joojinta mamnuucida isu soo baxyada siyaasadeed ay keentay farxad heerkeedu sarreeyo oo shacabka dhexdooda ah. Kulamada xiga ee doorashada 2025 ka hor waxay xoojinayaan geeddi-socodka dimoqraadiyadda ee dalka, ayay tiri.
