m.timesofindia.com/tv/news/hindi/
Kashmera Shah, oo ay kala soo shaqeeyeen Salman Khan filimada, Dulhan Hum Le Jayenge iyo Kahiin Pyaar Na Ho Jaaye, ayaa amaan badan u heysa Salman khan.
Kashmera ayaa barteeda Instagram ku shaacisay in Salman uu bixiyay dhamaan biilasha jilaaga Faraaz Khan oo isbitaalka la dhigay xaaladdiisuna aad u liidato.
Kashmera Shah ayaa la wadaagtay sawirka Bigg Boss ee martida loo yahay Salman Khan waxayna sheegtay inuu yahay bini aadam weyn isla markaana ka mid ah shaqsiyaadka ugu runta badan ee ay waligeed kula kulanto goobaha madadaalada waxayna ku tiri qoraalkeeda ay soo dhigtay barta ay ku leedahay Instagram
Runtii waxaad tahay qof weyn oo Bini aadam ah. Waad ku mahadsan tahay sida aad u daryeeshay Faraaz Khan iyo biilashiisa caafimaad. Jilaaga Faraaz Khan ee ciyaarta Fareb wuxuu ku sugan yahay xaalad halis ah Salmanna wuu garab istaagay oo wuu ka caawiyay sida uu u caawiyo Dad badan oo kale Anigu waxaan ahay oo aan waligay sii ahaan doonaa bogaadiyayaal run ah.Haddii dadku aysan jeclayn qoraalkan aniga dan kama lihi, waxaad leedahay ikhtiyaar inaad iga saarto, waa tan aan u malaynayo oo aan dareemayo, inuu yahay qof bani,aadanimo ay dagtay laabtiisa.
Faraaz Khan oo laga daawaday filimada sida Fareb iyo Mehndi, wuxuu la xanuunsanayaa cillad dhanka neerfaha ah, waxaana soo baxay warar sheegaya inuu u dagaallamayo nolosha oo uu u baahan yahay 25 milyan oo daaweyn ah. Waxaa la dhigey isbitaal ku yaal Bangalore.
Faraaz Khan waa Mere Dad Ki Dulhan jilaaga Fahmaan Khan walaalkiis ka weyn. Isaga oo ka hadlaya xaaladiisa, Fahmaan waxa uu u sheegay DT, “Waxa uu la xanuunsanayey qufac iyo infekshinka xabadka muddo sanad ku dhow. Dhawaan, xaaladdiisu way ka sii dartay oo cisbitaal ayaa la dhigay. Waxaa la dhigay qaybta gargaarka degdegga ah ee Isbitaalka Vikram, halkaas oo aan ka ogaanay. in uu la kulmay seddex qalal oo isku xigta sababo la xiriira infekshin ku dhacay maskaxda oo xaaladiisa ay ka sii dartay
Qoyskiisa iyo asxaabtiisa waxay isku dayayeen inay lacag uruursadaan, sida ku xusan qoraalka Kashmera Shah, jilaaga Bollywood Salman Khan ayaa cadeeyay biilasha caafimaad ee Faraaz Khan.
