27″ January “2023 AP
Kumanaan Muslimiin ah ayaa ka carooday Jimcihii, markii Rasmus Paludann, oo u ololeeya Islaam naceybka, uu ku celceliyay in uu mar kale gubo kitaabka Quraanka Kariimka meel u dhow masaajidka Copenhagen iyo bannaanka safaaradda Turkiga ee dalka Denmark. Dheeho.com
Turkiga ayaa u yeeray safiirka Denmark kadib markii ninkan ka tirsan midig uu ku gubay kitaabka quraanka mar kale meel u dhow masaajidka Copenhagen.
Rasmus Paludan oo ah nin u dhaqdhaqaaqa midigta fog haysta dhalashooyinka Denmark iyo Sweden balse dunida Muslimka looga arko In uu yahay Argagixiso ayaa muslimiinta caalamka ka careeysiiyay markii 21-kii January uu kitaabka Quraanka Kariimka ah uu ku gubay afaafka hore ee saaarada Turkiga Sweden .
Jimcihii, waxa uu ku celceliyay fagaaraha masaajidka hortiisa, iyo sidoo kale safaaradda Turkiga ee Copenhagen, Isaga oo ku hanjabaya inuu sii wadi doono Jimcaha kasta gubista quraanka ilaa Sweden looga ogolaanayo in ay gasho NATO.
Wakaalladda Wararka Turkiga ee Anadolu Agency ayaa sheegtay in Safiirka Denmark looga yeeray Wasaaradda Arrimaha Dibedda ee Turkiga, halkaasoo mas’uuliyiinta Turkiga ay “si adag u cambaareeyeen oggolaanshaha la siiyey falkan daandaansiga ah oo si cad u muujinaya dembi islaam nacayb ah”.
Wasiirka arrimaha dibadda Denmark Lars Lokke Rasmussen ayaa u shee壯陽藥 gay warbaahinta Denmark in dhacdadani aysan waxba ka bedeli doonin “xiriirka wanaagsan” ee Denmark ay la leedahay Turkiga, isagoo intaa ku daray in Copenhagen ay damacsan tahay inay Ankara kala hadasho sharciyada Denmark ee dhowraya xoriyada.
“Hawsheenu hadda waa in aan Turkiga kala hadalno sida xaaladaha Danmark ee dimoqraadiyadayada furan, iyo in uu jiro farqi u dhexeeya Danmark dal ahaan – iyo dadkayaga sidaas oo kale – ka dibna ay jiraan shakhsiyaad leh fikrado aad u kala duwan. ” ayuu yiri Løkke Rasmussen iyadoo muslimiinta caalamku ay sii wadaan carada ay ka qaadeen kitaab gubista loo ogolaaday Rasmus Paludan taas ooy ku muujinayaan banaabax nabadeed iyo in ay kitaabka kor u qaadaan si ay u cadeeyaan xurmada uu agtooda ku leeyahay Qowlka Eebe
“Masjidkani meel kuma laha Danmark,” Paludan ayaa si toos ah ugu sheegay Facebook, isagoo xidhan koofiyad, ayna ku hareeraysan yihiin booliiska rabshadaha.
Paludan, oo boolisku ilaalinayeen, ayaa markaas lagu kexeeyay baabuur boolis ah. Later, safaaradda Turkiga horteeda, Paludan ayaa laga soo xigtay isagoo ka hadlaya bullhorn, “Tan iyo markii uu [Erdogan] u ogolaaday Sweden inay ku biirto NATO, waxaan ballan qaadayaa inaanan Quraanka ku gubin meel ka baxsan safaaradda Turkiga.
Qareenka Paludan ayaa aasaasay xisbiyada midigta fog ee Sweden iyo Denmark, kuwaas oo ku guuldareystay inay wax kuraas ah ka helaan doorashooyinka heer qaran, gobol ama degmo. Doorashadii baarlamaanka ee sanadkii hore ka dhacday Sweden, xisbigiisu wuxuu helay 156 cod oo keliya guud ahaan dalka.