4- June-2023- Sky sport
Karim Benzema ayaa ka tagi doona Real Madrid si xor ah xilli ciyaareedka soo socda ka dib 14 sano kadib, kooxda La Liga ayaa sidaas sheegtay.
Real Madrid iyo kabtankeena Karim Benzema ayaa ku heshiiyey inay soo afjaraan waayihiisa cajiibka ah ee lama ilaawaanka ah ee uu ku soo qaatay kooxdeena,” ayaa lagu yiri warbixin ay Los Blancos soo saartay Axadii.
Ku guuleystaha bilada Ballon d’Or Karim Benzema oo noqday hogaamiyaha Real Madrid kadib markii ay Bernabeu ka tageen Cristiano Ronaldo iyo Gareth Bale ayaa 14 sano kadib ka tagaya kooxda Carlo Ancelotti
Ancelotti uu iska ilaaliyay Sabtidii Inuu ka hadlo xiisaha Madrid oo la,la xiriiriyay weeraryahanka England iyo Tottenham ee Harry Kane
Ka Tagitaanka Weeraryahanka, 35 jir ah ee reer France Karim Benzema ee kooxda Real Madrid ayaa imaanaya iyadoo ay si weyn u soo xoogaysanayaan Wararka sheegaya toddobaadkan inuu lacag badan ku aadayo Sucuudiga
“Madrid waxay dooneysaa inay u muujiso mahadnaqooda iyo jacaylkooda qof ka mid ah halyeeyadayada ugu weyn.”ayaa sidoo kale warbixinta axadii
Ku dhawaaqista ayaa timid ka dib markii tababaraha Madrid Carlo Ancelotti uu Sabtidii sheegay “in uusan shaki ku jirin” mustaqbalka Benzema ee Madrid, isagoo xusay in weeraryahanka uu hal sano oo dheeri ah uga haray qandaraaskiisa.
Benzema laftiisu waxa uu yidhi “wax kasta oo aad internetka ku akhrido run maaha” ka dib markii ay soo baxeen warar sheegaya in uu aadayo Sucuudiga.
Weeraryahanka reer France ayaa ku soo biiray Madrid 2009kii isagoo ka soo dhaqaaqay kooxda Ligue 1 ee Lyon.
Benzema waxa uu isu taagay ciyaaryahan muhiim ah isaga oo ka garab ciyaaraya Cristiano Ronaldo iyo Gareth Bale oo ku jiray weerarka saddex geesoodka ah ee “BBC”, ka hor inta uusan noqon hogaamiyaha kooxda markii uu weeraryahanka Portugal ka tagay 2018.
Kulanka ugu dambeeya ee Benzema ee kooxda ayaa noqon kara Axada dambe marka ay Madrid ku soo dhaweyso kooxda Athletic Bilbao kulan ka tirsan horyaalka La Liga ee Santiago Bernabeu.
Madrid ayaa xaqiijisay sabtidii in Eden Hazard, Marco Asensio iyo Mariano Diaz ay dhamaantood baxayaan xagaagan iyaga oo ka tagaya boos badan oo ay ku soo iibsan karaan weerarka.
